కొరటాల-మెగాస్టార్ సినిమాలో రాములమ్మ!
- IndiaGlitz, [Tuesday,August 27 2019]
టాలీవుడ్ సీనియర్ నటి కమ్ కాంగ్రెస్ మహిళా నేత విజయశాంతి అలియాస్ రాములమ్మ గురించి ప్రత్యేకించి మరీ చెప్పనక్కర్లేదు. ఒకట్రెండు కాదు ఏకంగా 13 ఏళ్లకుపైగా సినిమాలకు దూరమై రాజకీయాలకు రాణించాలని భావించిన రాములమ్మ పరిస్థితి.. ‘అనుకొన్నదొక్కటి.. అయినది ఒక్కటి’ అన్న చందంగా పరిస్థితి మారిపోయింది. అయితే సూపర్‌స్టార్ మహేశ్ బాబు-అనిల్ రావిపూడి సినిమా ‘సరిలేరు నీకెవ్వరు’తో రీ ఎంట్రీ ఇస్తున్నారు. ఇప్పటికే ఈమెపాత్రపై పలు రకాలుగా వార్తలు వస్తున్నప్పటికీ.. ఫైనల్‌గా ప్రోఫెసర్‌గా పాత్రలో నటిస్తున్నారని.. ఇదే సినిమాకు హైలైట్ కానుందని సమాచారం. ఇప్పటికే రాములమ్మకు పాత్రకు సంబంధించిన షూటింగ్‌ కూడా దాదాపు అయిపోవచ్చింది.
అయితే.. ‘సరిలేరు నీకెవ్వరు’ తర్వాత రాములక్క ఏ సినిమాలో నటిస్తోందన్న దానిపై ఇప్పుడు ఇండస్ట్రీలో సర్వత్రా ఆసక్తికర చర్చ సాగుతోంది. అయితే విజయశాంతి- చిరంజీవి జోడి ఎన్నో బ్లాక్ బస్టర్స్ ఇచ్చిన విషయం విదితమే. మరోసారి ఈ సూపర్ హిట్ జోడి చిరు-కొరటాల కాంబోలో వస్తున్న కలిసి కనిపించబోతున్నట్లు వార్తలు వినిపిస్తున్నాయి. అంతేకాదు.. సరిలేరు నీకెవ్వరు మాదిరిగా చిరు సినిమాలో కూడా ఓ కీలక పాత్రలో రాములమ్మ నటిస్తోందని సామాచారం.
అయితే ఈ వ్యవహారంపై అటు చిత్రబృందం కానీ.. ఇటు విజయశాంతి కానీ ఈ పుకార్లపై క్లారిటీ ఇవ్వలేదు. మరి ఇది ఎంతవరకు నిజమో తెలియాలంటే ఎవరో ఒకరు మీడియా ముందుకు రావాల్సిందే. ఒక వేళ ఇదే నిజమైతే మాత్రం మెగా ఫ్యాన్స్‌కు మళ్లీ పాతరోజులు గుర్తుకు రావడం ఖాయమే మరి.