பிக்பாஸ் வீட்டில் புதுமுகமாக சமீபத்தில் நுழைந்துள்ள நடிகை விஜயலட்சுமியிடம் போட்டியாளர்கள் குறித்த கருத்தை தெரிவிக்குமாறு கமல் கேட்டுக்கொண்டார். இதன்படி 'ஜனனி, ரித்விகா, டேனியல் ஆகிய மூவரும் பாதுகாப்பாக விளையாடுவதாகவும், பாலாஜி மிகவும் பாதுகாப்பாக விளையாடுவதாகவும் விஜயலட்சுமி கூறினார். 

மேலும் மும்தாஜ் கோபத்தை வெளிக்காட்டாமல் திறமையாக விளையாடுவதாகவும், செண்ட்ராயன் ஸ்மார்ட் என்றும், வெகுளி போல் இருந்தாலும் அவருக்கு நிலைமையை புரிந்துகொள்ளும் அளவிற்கு திறமை இருப்பதாகவும் கூறினார்.

மேலும் இந்த வீட்டில் யாஷிகா முற்றிலும் நெகட்டிவ்வாக இருப்பதாக தனக்கு தெரிவதாகவும், ஐஸ்வர்யாவுக்கு சுயபுத்தி என்பது சிறிதும் இல்லை என்றும், தான் என்ன செய்கிறோம் என்ற உணர்வே இல்லாமல் இருப்பதாகவும் தெரிவித்தார். 

மேலும் மகத் உண்மையில் நல்லவராக இருந்தாலும் இந்த வீட்டில் உள்ள சில கெட்ட சக்திகள் தூண்டிவிட்டதால் அவர் தனது கெட்ட பக்கத்தை மட்டுமே காட்டியுள்ளார் என்றும் விஜயலட்சுமி கூறியுள்ளார். விஜயலட்சுமியின் இந்த கருத்துக்கு ஆடியன்ஸ் தரப்பில் பெரும் வரவேற்பு கிடைத்தது.