விஜயகுமார் மகள் வீட்டில் நடந்த விசேஷத்தில் அவரது குடும்பத்தினர் அனைவரும் கலந்து கொண்ட நிலையில் வனிதா விஜயகுமார் மட்டும் மிஸ்ஸிங் என்று கூறப்படுகிறது.

நடிகர் விஜயகுமாரின் மகள் அனிதா விஜயகுமார் புதிய வீடு கட்டியுள்ளதை அடுத்து கிரகப்பிரவேசம் சமீபத்தில் நடந்தது. இந்த விசேஷத்தில் கலந்து கொள்வதற்காக விஜயகுமாரின் குடும்பத்தினர் அனைவரும் கலந்து கொண்ட புகைப்படங்களை அனிதா விஜயகுமார் தனது இன்ஸ்டகிராமில் பக்கத்தில் பதிவு செய்துள்ளார். மேலும் வனிதா விஜயகுமார் மட்டும் மிஸ்ஸிங் என்றும் அவர் வருத்தத்துடன் குறிப்பிட்டுள்ளார்.

இந்த நிலையில் கிரகப்பிரவேசத்தில் எடுக்கப்பட்ட புகைப்படங்களை அனிதா விஜயகுமார் தனது இன்ஸ்டாகிராம் பக்கத்தில் பதிவு செய்துள்ளார். அருண் விஜய் மற்றும் சகோதரிகளுடன் எடுத்த இந்த புகைப்படம் இணையத்தில் வைரல் ஆகி வருகிறது. குறிப்பாக விஜயகுமார் வீட்டில் உள்ள பெண்கள் அனைவரும் ஒரே புகைப்படத்தில் இருப்பதை பார்க்கும்போது அவரது குடும்பத்தில் இத்தனை பெண்களா? என ரசிகர்கள் ஆச்சரியம் அடைந்து கமெண்ட்ஸ்களை பதிவு செய்து வருகின்றனர்.

கோகுல கிருஷ்ணா என்ற தொழில் அதிபரை திருமணம் செய்து கொண்ட அனிதா விஜயகுமாருக்கு தியா என்ற மகளும் ஒரு மகனும் உள்ளனர். இதில் தியா வெளிநாட்டில் படித்து வருகிறார் என்பது குறிப்பிடத்தக்கது.