நேற்று மத்திய அமைச்சர் பிரகாஷ் ஜவடேகர் அவர்கள் சூப்பர்ஸ்டார் ரஜினிகாந்த் அவர்களுக்கு திரையுலகின் உயர்ந்த விருதான தாதா சாகேப் பால்கே விருது அறிவித்தார். இதனையடுத்து பிரதமர் மோடி, மத்திய அமைச்சர்கள், தமிழக முதலமைச்சர் எடப்பாடி பழனிசாமி, துணை முதலமைச்சர் ஓ பன்னீர்செல்வம், எதிர்க்கட்சி தலைவர் முக ஸ்டாலின் வரை பலர் வாழ்த்து தெரிவித்தனர். மேலும் தமிழ் திரையுலகம் உள்பட ஒட்டுமொத்த இந்திய திரையுலகமும் ரஜினிக்கு வாழ்த்து தெரிவித்தது என்பது குறிப்பிடத்தக்கது

இந்த நிலையில் ரஜினியின் நெருங்கிய நண்பர்களில் ஒருவரான கேப்டன் விஜயகாந்த் தனது டுவிட்டர் பக்கத்தில் சற்றுமுன் ரஜினிக்கு வாழ்த்து தெரிவித்துள்ளார். அவர் தனது வாழ்த்து டுவிட்டில் கூறியிருப்பதாவது: இந்த ஆண்டுக்கான தாதா சாகேப் பால்கே விருது பெறும் அண்ணன் திரு. ரஜினிகாந்த் அவர்களுக்கு, எனது மகிழ்ச்சியையும் வாழ்த்துக்களையும் தெரிவித்துக் கொள்கிறேன். தொடர்ந்து கலைத்துறையில் சேவைசெய்து பல உயரிய விருதுகள் பெற வேண்டுமென்று கேட்டுக் கொள்கிறேன்’ என்று கூறியுள்ளார்.

மேலும் அவர் ரஜினியுடன் எடுத்துக் கொண்ட புகைப்படங்களையும் தனது டுவிட்டரில் பதிவு செய்துள்ளார் என்பது குறிப்பிடத்தக்கது.

இந்த ஆண்டுக்கான தாதா சாகேப் பால்கே விருது பெறும் அண்ணன் திரு. ரஜினிகாந்த் @rajinikanth
அவர்களுக்கு,எனது மகிழ்ச்சியையும் வாழ்த்துக்களையும் தெரிவித்துக் கொள்கிறேன்.
தொடர்ந்து கலைத்துறையில் சேவைசெய்து பல உயரிய விருதுகள் பெற வேண்டுமென்று கேட்டுக் கொள்கிறேன்
Rajinikanth @rajinikanth pic.twitter.com/ZQLsqMjIhW

— Vijayakant (@iVijayakant) April 2, 2021