விஜயகாந்த், பிரேமலதா டிஸ்சார்ஜ் எப்போது? மருத்துவமனையின் அறிக்கை!
- IndiaGlitz, [Friday,October 02 2020]
நடிகரும் தேமுதிக நிறுவன தலைவருமான விஜயகாந்த் மற்றும் அவருடைய மனைவி பிரேமலதா விஜயகாந்த் ஆகிய இருவரும் சமீபத்தில் கொரோனாவால் பாதிக்கப்பட்டு தனியார் மருத்துவமனையில் அனுமதிக்கப்பட்டு சிகிச்சை பெற்று வந்தனர்.
இவர்கள் இருவரும் குணமாகி வருவதாகவும் விரைவில் டிஸ்சார்ஜ் செய்யப்படுவார்கள் என்று கூறப்பட்ட நிலையில் தற்போது அவர்களுடைய உடல்நிலை குறித்தும் டிஸ்சார்ஜ் செய்யப்படுவது குறித்து மருத்துவமனை நிர்வாகம் அறிக்கை வெளியிட்டுள்ளது. அந்த அறிக்கையில் கூறப்பட்டுள்ளதாவது:
தேமுதிக நிறுவன தலைவர் மற்றும் கழக பொதுச் செயலாளருமான திரு விஜயகாந்த் மற்றும் தேமுதிக பொருளாளர் திருமதி பிரேமலதா விஜயகாந்த் அவர்கள் இருவருக்கும் covid-19 தொற்று உறுதி செய்யப்பட்டது.
இருவரும் சென்னை மியாட் மருத்துவமனையில் அனுமதிக்கப்பட்டு மருத்துவ குழுவினரால் தொடர் மதிப்பீடு செய்யப்பட்டு கண்காணிப்பில் இருந்தனர். இருவரும் சிகிச்சைக்கு நல்ல ஒத்துழைப்பு கொடுத்ததால் உடல்நிலையில் நல்ல முன்னேற்றம் அடைந்து இன்று டிஸ்சார்ஜ் செய்யப்படுகிறார்கள் என்று குறிப்பிடப்பட்டுள்ளது. விஜயகாந்த் மற்றும் பிரேமலதா விஜயகாந்த் ஆகிய இருவரும் இன்று டிஸ்சார்ஜ் செய்யப்படுவதை அடுத்து தேமுதிக தொண்டர்கள் மகிழ்ச்சியில் உள்ளனர்.