ప్రముఖ సినీ నటుడు, హిందూపురం టీడీపీ ఎమ్మెల్యే అభ్యర్థి నందమూరి బాలకృష్ణపై.. వైసీపీ ఎంపీ విజయసాయిరెడ్డి తీవ్ర వ్యాఖ్యలు చేశారు. ట్విట్టర్‌లో యాక్టివ్‌గా ఉండే విజయసాయిరెడ్డి.. టీడీపీ నేతలపై ఓ రేంజ్‌‌లో విమర్శల వర్షం కురిపిస్తుంటారు. చంద్రబాబు మొదలుకుని ఎమ్మెల్యే అభ్యర్థుల వరకూ.. అప్పుడప్పుడూ జనసేనాధిపతి పవన్‌ ఇలా ఏ ఒక్కర్నీ వదలకుండా సోషల్ మీడియాలో గట్టిగా దుమ్ముదులిపి వదులుతుంటారు. అయితే ఆయనకు అదే రేంజ్‌లో అటు టీడీపీ.. ఇటు జనసేన కార్యకర్తలు, అభిమానులు గట్టిగానే కౌంటర్లిస్తుంటారు.

విజయసాయి వివాదాస్పద ట్వీట్..

తాజాగా.. ఎన్నికల ప్రచారంలో భాగంగా హిందూపురంలో బాలయ్య.. వైసీపీని ఉద్దేశించిం తీవ్ర వ్యాఖ్యలు చేశారు. దీంతో ఇందుకు కౌంటర్‌‌లో విజయసాయిరెడ్డి ట్విట్టర్ వేదికగా స్పందించారు. "తన ఇంట్లో బెల్లంకొండ సురేశ్ ను రివాల్వర్ తో కాల్చిన కేసులో బాలక్రిష్ణ జైలుకు పోకుండా అప్పటి నిమ్స్ డైరెక్టర్ కాకర్ల సుబ్బారావు చౌదరి ఆయనకు మెంటల్ ఉందని సర్టిఫికేట్ ఇచ్చాడు. బెయిల్ దొరికిందాక రెండు నెలలు కరెంట్ షాక్ లిచ్చారు. వ్యాధి నయం కానట్టుంది. కార్యకర్తల్ని కొడుతున్నాడు" అని విజయసాయిరెడ్డి తన ట్విట్టర్‌లో పోస్ట్ చేశారు. అయితే ఈ ట్వీట్ చూసిన అభిమానులు, టీడీపీ కార్యకర్తలు విజయసాయిపై దుమ్మెత్తి పోస్తున్నారు.