மக்கள் செல்வன் விஜய்சேதுபதி நடித்த படங்கள் அடுத்தடுத்து ரிலீஸ் ஆகிக்கொண்டிருக்கும் நிலையில் அடுத்தடுத்து அவர் புதிய படங்களில் நடிக்க ஒப்பந்தமாகியும் வருகிறார். நேற்று யுவன்ஷங்கர் ராஜா தயாரிப்பில் இளையராஜா இசையில் சீனுராமசாமி இயக்கத்தில் உருவாகும் படத்தில் விஜய்சேதுபதி நடிக்கவுள்ளார் என்ற தகவலை பார்த்தோம். மேலும் அவர் 'சேதுபதி' இயக்குனர் அருண்குமார் இயக்கத்தில் உருவாகி வரும் படத்திலும் நடித்து வருகிறார்.

இந்த நிலையில் ஏற்கனவே அறிவிக்கப்பட்டிருந்த விஜயா புரடொக்சன்ஸ் தயாரிப்பில் விஜய் சந்தர் இயக்கத்தில் விஜய் சேதுபதி நடிப்பில் உருவாகும் படத்தின் பூஜை இன்று நடைபெற்றது. இந்த படத்தின் படப்பிடிப்பு வரும் பிப்ரவரியில் தொடங்கும் என்று அறிவிக்கப்பட்டுள்ளது.

வேல்ராஜ் ஒளிப்பதிவில் பிரவீண் படத்தொகுப்பில் பிரபாகர் கலை இயக்கத்தில் அனல் அரசு சண்டைப்பயிற்சியில் உருவாகவுள்ள இந்த படத்திற்கு டி.இமான் இசையமைக்கவுள்ளார்.

விஜய்சேதுபதி, விஜயா புரடொக்சன்ஸ் மற்றும் விஜய் சந்தர் ஆகிய மூன்று விஜய்கள் ஒன்று சேர்வதால் இந்த படம் வெற்றி அடைவது உறுதி என கூறப்படுகிறது.