చెన్నైలోని ప్రసిద్ధి గాంచిన విజయ ఆస్పత్రి డైరెక్టర్ శరత్ రెడ్డి(43) కరోనాతో చనిపోయారు. ఈ రోజు మధ్యాహ్నం విజయ ఆస్పత్రిలోనే చికిత్స పొందుతూ తుదిశ్వాస విడిచారు. అధికారిక సమాచారం ప్రకారం.. శరత్ రెడ్డి ఇటీవల అస్వస్థతకు గురయ్యారు. దీంతో ఆయన విజయ ఆస్పత్రిలో అడ్మిట్ అయ్యారు. వైద్యులు ఆయనకు టెస్టులు చేయగా కరోనా అని తేలింది. వైద్యులు ఆయనకు చికిత్స అందించినప్పటికీ.. తీవ్ర అస్వస్థతతో చివరికి ఆయన కన్నుమూశారు. కాగా, చిత్రసీమలో ఎంతో గుర్తింపు ఉన్న చిత్రవాహిని స్టూడియోస్, ప్రొడ్యూసర్ బి నాగిరెడ్డి మనవడే ఈ శరత్ రెడ్డి. విజయ ఆస్పత్రి చైర్మన్‌గా శరత్ రెడ్డి తండ్రి విశ్వనాథ రెడ్డి కొనసాగుతున్నారు. అయితే శరత్ రెడ్డి మృతితో ఆయన కుటుంబంలో విషాదం నెలకొంది.