ஆரம்ப காலகட்டத்தில் வில்லனுக்கு அடியாளாக, பின்னர் மெயின் வில்லன் மற்றும் காமெடி வேடங்களில் நடித்து வரும் மொட்டை ராஜேந்திரனுக்கு 'விஜய் 59' திரைப்படம் ஒரு மறக்க முடியாத படமாக அமையும் என கூறப்படுகிறது.

இந்த படத்தில் போலீஸ் அதிகாரியாக நடித்து வரும் விஜய்க்கு, டிரைவராக நடித்து வரும் மொட்டை ராஜேந்திரன் விஜய்யுடன் இணைந்து காமெடி நடிப்பில் அசத்தியுள்ளதாகவும், விஜய்யே அவரது நடிப்பை பாராட்டியதாகவும் கூறப்படுகிறது.

மேலும் இந்த படத்தில் எந்த அளவுக்கு ஆக்சன் காட்சிகள் இருக்கின்றதோ அதே அளவுக்கு காமெடி காட்சிகளும் நிறைந்திருப்பதாகவும் கூறப்படுகிறது.

இந்நிலையில் 'விஜய் 59' படத்தை அடுத்து உதயநிதி ஸ்டாலின் நடிக்கும் புதிய படத்திலும் அவருடன் இணைந்து காமெடியில் கலக்கி வருவதாகவும் கூறப்படுகிறது. இந்த இரண்டு படங்களும் மொட்டை ராஜேந்திரனுக்கு நல்ல பெயர் வாங்கி கொடுப்பதோடு அவருக்கு திருப்புமுனை படங்களாக அமையும் என எதிர்பார்க்கப்படுகிறது.