'தெறிக்க விடலாமா' டீசரை அடுத்து 'தரலோக்கல்' டீசர்
- IndiaGlitz, [Tuesday,October 13 2015]
தல அஜீத் நடித்த 'வேதாளம்' படத்தின் டீசர் மற்றும் போஸ்டர்கள் கடந்த வாரம் வெளியாகி சமூக இணையதளங்களில் பெரும் சுனாமியை ஏற்படுத்திய பரபரப்பே இன்னும் அடங்காத நிலையில் இன்று இரவு ஏழு மணிக்கு இந்த படத்தின் ஆடியோ டீசர் வெளியாகவுள்ளதாக செய்திகள் வெளிவந்துள்ளது. இந்த செய்தியை இந்த படத்தின் படத்தொகுப்பாளர் ரூபன் அவர்கள் தனது சமூக வலைத்தளத்தில் உறுதி செய்துள்ளார்.
'தெறிக்க விடலாமா' டீசருக்கு பின்னர் தரலோக்கல் ஆடியோ டீசரை கேட்டு மகிழுங்கள்' என படத்தொகுப்பாளர் ரூபன் குறிப்பிட்டுள்ளனர்.
இந்த தகவல் வெளிவந்தது முதல் அஜீத் ரசிகர்கள் பெரும் மகிழ்ச்சியில் உள்ளனர். தெறிக்க விடலாமா' டீசர் உலக சாதனை செய்தது போல தரலோக்கல் டீசர் என்னென்ன சாதனைகள் செய்யப்போகின்றன என்பதை பொறுத்திருந்து பார்ப்போம்.