தளபதி விஜய் நடித்து வரும் ’G.O.A.T.’ திரைப்படத்தின் படப்பிடிப்பு விறுவிறுப்பாக நடைபெற்று வரும் நிலையில் சமீபத்தில் தனியார் ஸ்டுடியோ ஒன்றில் படப்பிடிப்பு நடந்து கொண்டிருந்த நிலையில் வெளியே விஜய்யை பார்க்க ஆயிரக்கணக்கான ரசிகர்கள் குவிந்திருந்தனர்

இதனை அடுத்து விஜய் ரசிகர்கள் முன் தோன்றி கையசைத்தார் என்பதும் இது குறித்த புகைப்படம் மிகப் பெரிய அளவில் இணையதளங்களில் வைரல் ஆனது என்பதும் தெரிந்ததே. இந்த நிலையில் இந்த சம்பவத்தின் வீடியோவை சற்று முன் ஏஜிஎஸ் நிறுவனம் தனது சமூக வலைதளத்தில் வெளியிட்டுள்ளது.

இதுவரை ரசிகர்கள் பார்த்து மகிழ்ந்த புகைப்படத்தின் இன்னொரு பகுதியாக வீடியோ வெளி வந்துள்ளதை அடுத்து ரசிகர்கள் இதை கொண்டாடி வருகின்றனர். இந்த வீடியோ ரசிகர்களுக்கு கிடைத்த மிகப் பெரிய பொங்கல் பரிசாக கருதப்படுகிறது. 41 நொடிகள் மட்டுமே உள்ள இந்த வீடியோவில் விஜய் ரசிகர்களை நோக்கி கையசைக்கும்போது மாலைகளும் பூக்களும் அவர் மீது வந்து விழும் காட்சி மாஸ் ஆகவுள்ளது.

விஜய், பிரபுதேவா, பிரசாந்த், மோகன், சினேகா, லைலா, மீனாட்சி சவுத்ரி, பிரேம்ஜி உள்ளிட்ட பலர் நடிக்கும் இந்த படத்தில் விஜய் இரண்டு வேடங்களில் நடித்து வருகின்றனர். வெங்கட் பிரபு இயக்கத்தில் யுவன்ஷங்கர் ராஜா இசையில், ஏஜிஎஸ் நிறுவனத்தின் பிரமாண்டமான தயாரிப்பில் இந்த படம் உருவாகி வருகிறது.

For the love of the man 🔥#TheGreatestOfAllTime shoot diaries! @actorvijay ❤️ pic.twitter.com/3LqRKguZsK

— AGS Entertainment (@Ags_production) January 13, 2024