'அனிமல்' இரண்டாம் பாகத்தில் விஜய், விக்ரம் பட நாயகி.. அப்ப ராஷ்மிகா கிடையாதா?
- IndiaGlitz, [Friday,March 01 2024]
கடந்த ஆண்டு டிசம்பர் மாதம் வெளியான ’அனிமல்’ திரைப்படம் மிக மோசமான விமர்சனங்களை பெற்றாலும் அந்த படம் சூப்பர் ஹிட் ஆனது என்பதும், ரூ.100 கோடி பட்ஜெட்டில் உருவான இந்த படம் உலகம் முழுவதும் ரூ.900 கோடிக்கு மேல் வசூல் செய்தது என்பது குறிப்பிடத்தக்கது.
இந்த நிலையில் ’அனிமல்’ படத்தை இயக்கிய இயக்குனர் சந்தீப் ரெட்டி இந்த படத்தின் இரண்டாம் பாகத்தை இயக்க இருப்பதாக ஏற்கனவே கூறியிருந்த நிலையில் தற்போது இந்த படத்தில் விஜய், விக்ரம், தனுஷ் உள்பட பிரபலங்கள் படத்தில் நடித்த தமிழ் நடிகை இணைய இருப்பதாக தகவல் வெளியாகி உள்ளது.
முதல் பாகத்தில் நடித்த ரன்பீர் கபூர், அனில் கபூர் ஆகியோர் இரண்டாம் பாகத்திலும் நடிப்பார்கள் என்று உறுதி செய்யப்பட்ட நிலையில் முதல் பாகத்தில் நடித்த ராஷ்மிகா மந்தனா இரண்டாவது பாகத்தில் நடிப்பாரா என்ற கேள்வி எழுந்துள்ளது. ஏனெனில் ’அனிமல்’ படத்தின் இரண்டாவது பாகத்தில் நடிக்க மாளவிகா மோகனன் இடம் பேச்சுவார்த்தை நடத்தப்பட்டு வருவதாகவும் கிட்டத்தட்ட அவர் இந்த படத்தில் நடிப்பது உறுதி செய்யப்பட்டுள்ளதாகவும் கூறப்படுகிறது.
’அனிமல் 2’ திரைப்படம் இதுவரை வெளியான பாலிவுட் படங்களின் வசூலை அடித்து நொறுக்கும் என்றும் முதல் பாகம் போலவே இரண்டாம் பாகமும் சூப்பர் ஹிட் ஆகும் என்று படக்குழுவினர் நம்பிக்கை தெரிவித்துள்ளனர்.