தளபதி விஜய் நடித்த 'மெர்சல்' படத்திற்கு பாஜக தலைவர்களால் இப்படி ஒரு இலவச விளம்பரம் கிடைக்கும் என்று படக்குழுவினர்களே எதிர்பார்த்திருக்க மாட்டார்கள். நேற்று கூட திரையரங்குகளில் ஒருசில இருக்கைகள் காலியாக இருந்த நிலையில் இன்றும் நாளையும் சென்னையில் உள்ள அனைத்து காட்சிகளுக்கும் 'மெர்சல்' படத்திற்கான டிக்கெட்டுக்கள் விற்று தீர்ந்துவிட்டன

இந்த நிலையில் பிரச்சனைக்கு காரணமான படத்தின் இறுதிக்காட்சியில் விஜய் பேசும் ஜிஎஸ்டி வசன வீடியோ டுவிட்டர், பேஸ்புக் உள்பட சமூக வலைத்தளங்களில் மிக வேகமாக பரவி வருகின்றன. இந்த வீடியோ படத்தை பார்க்க தூண்டுவதே இந்த படத்தின் மிகப்பெரிய வெற்றிக்கு காரணமாக இருக்க போகிறது.

விஜய்யின் வெற்றி படங்களில் ஒன்றாக இருக்க வேண்டிய 'மெர்சல்' படத்தை பாஜக தலைவர்கள் சூப்பர் ஹிட் படமாக மாற்றியது மட்டுமின்றி தங்களுக்கு இருந்த ஒருசில தமிழக வாக்காளர்களையும் இழந்துவிட்டனர் என்பதே இந்த படத்தின் உண்மையான ரிசல்ட்டாக உள்ளது.