தமிழகத்தில் ஏப்ரல் 6-ஆம் தேதி சட்டமன்ற பொதுத்தேர்தல் நடைபெற உள்ளது என்பதும் இந்த தேர்தலை சந்திக்க அதிமுக, திமுக, மக்கள் நீதி மய்யம் உள்பட அனைத்து அரசியல் கட்சிகளும் தயாராகி வருகின்றன என்பது குறிப்பிடத்தக்கது.

இந்த நிலையில் தமிழக சட்ட சபைத் தேர்தலுடன் காலியாக உள்ள கன்னியாகுமரி பாராளுமன்ற தொகுதிக்கும் தேர்தல் அறிவிக்கப்பட்டது. இந்த தேர்தலில் பாஜக வேட்பாளராக முன்னாள் மத்திய அமைச்சர் பொன் ராதாகிருஷ்ணன் அவர்கள் மீண்டும் போட்டியிடுகிறார் என அறிவிக்கப்பட்டிருந்த நிலையில் சற்று முன் பொன் ராதாகிருஷ்ணன் அவர்களை எதிர்த்து போட்டியிடும் காங்கிரஸ் வேட்பாளர் அறிவிக்கப்பட்டுள்ளார்.

இந்த தொகுதியின் எம்பி ஆக இருந்து சமீபத்தில் மறைந்த எச். வசந்தகுமார் அவர்களின் மகன் விஜய் வசந்த் தான் காங்கிரஸ் வேட்பாளர் என அதிகாரபூர்வமாக அறிவிக்கப்பட்டுள்ளது. இவர் ’சென்னை 28’ உள்பட ஒருசில தமிழ் திரைப்படங்களில் நடித்துள்ளார் என்பது குறிப்பிடதக்கது. முன்னாள் மத்திய அமைச்சர் பொன் ராதாகிருஷ்ணன் அவர்களுக்கு எதிராக போட்டியிடும் விஜய் வசந்த் வெற்றி பெறுவாரா? என்பதை பொறுத்திருந்து பார்ப்போம்.