'பிக்பாஸ் தமிழ் சீசன் 7': அதிகாரபூர்வ அறிவிப்பை வெளியிடும் விஜய் டிவி.. வைரலாகும் ட்வீட்..!
- IndiaGlitz, [Friday,August 18 2023]
விஜய் டிவியில் ஒளிபரப்பாகி வரும் பிக்பாஸ் நிகழ்ச்சி கடந்த ஆறு சீசன்கள் ரசிகர்கள் மத்தியில் நல்ல வரவேற்பை பெற்ற நிலையில் விரைவில் பிக்பாஸ் தமிழ் சீசன் 7 தொடங்கும் என்று கூறப்பட்டது. அது மட்டும் இன்றி இந்த நிகழ்ச்சியில் கலந்து கொள்ளும் போட்டியாளர்கள் தேர்வு நடைபெற்று வருவதாகவும் கூறப்பட்டது.
இந்த நிலையில் பிக்பாஸ் சீசன் 7 குறித்த அதிகாரபூர்வ அறிவிப்பு இன்று இரவு 7.7 மணிக்கு விஜய் டிவி அறிவிக்க உள்ளதாக செய்திகள் வெளியாகி உள்ளது. விஜய் டிவி தனது ட்விட்டர் பக்கத்தில் ’இன்று மாலை 7.7 மணிக்கு ரெடியா இருங்கள்’ என்று அறிவித்துள்ளதையடுத்து இந்த 7.7 என்பது பிக் பாஸ் சீசன் 7வது சீசன் என்பதையே குறிக்கிறது என ரசிகர்கள் கண்டுபிடித்துள்ளனர்.
ஏற்கனவே பிக்பாஸ் தமிழ் சீசன் 7 ப்ரோமோ வீடியோவில் கமல்ஹாசன் நடித்துள்ளதாக செய்திகள் வெளியான நிலையில் அந்த வீடியோ இன்று இரவு 7 மணிக்கு வெளியாகுமா? என்பதை பொறுத்திருந்து பார்ப்போம்.
பிக்பாஸ் சீசன் 7 நிகழ்ச்சியில் விஜய் டிவி பிரபலம் ஜாக்குலின், கடந்த சீசனில் கலந்து கொண்ட ரக்சிதாவின் கணவர் தினேஷ், நடிகை ரேகா நாயர், நடிகர் பிருத்விராஜ், கோவை சேர்ந்த பெண் டிரைவர் ஷர்மிளா, பாலிமர் டிவி செய்தி வாசிப்பாளர் ரஞ்சித் ஆகியோர் போட்டியாளர்களாக கலந்து கொள்வார்கள் என எதிர்பார்க்கப்படுகிறது.
Evening 7:7 மணிக்கு ரெடியா இருங்க... 😎 #VijayTelevision #VijayTV #Disneyplushotstar #VijayTakkar #VijaySuper pic.twitter.com/0peyrRm8c8
— Vijay Television (@vijaytelevision) August 18, 2023