மாலத்தீவின் அழகு, நயன்தாராவின் பாடல்: விஜய் டிவி டிடியின் வீடியோ வைரல்
- IndiaGlitz, [Friday,March 05 2021]
மாலத்தீவின் கடல் அழகின் பின்னணியில், லேடி சூப்பர் ஸ்டார் நயன்தாரா பாடலுக்கு போஸ் கொடுக்கும் விஜய் டிவி டிடியின் வீடியோ இணையதளங்களில் வைரலாகி வருகிறது
விஜய் டிவியில் தொகுப்பாளராக இருந்து வரும் டிடி என்கிற திவ்யதர்ஷினி, கடந்த சில நாட்களுக்கு முன்னர் மாலத்தீவு சென்றார் என்பதும் அங்கிருந்து அவர் அழகழகான புகைப்படங்கள் மற்றும் வீடியோக்களை தனது இன்ஸ்டாகிராம் பக்கத்தில் பதிவு செய்து வருகிறார் என்பதும் தெரிந்ததே
இந்த நிலையில் சற்று முன் அவர் தனது இன்ஸ்டாகிராம் பக்கத்தில் ’இருமுகன்’ படத்தில் நயன்தாரா மற்றும் விக்ரம் நடித்த பாடலுக்கு விதவிதமான உடைகளில் போஸ் கொடுத்துள்ளார். மாலத்தீவின் அழகிய கடல் பின்னணியில் எடுக்கப்பட்டுள்ள இந்த வீடியோ தற்போது வைரல் ஆகி வருகிறது என்பது குறிப்பிடத்தக்கது
இந்த வீடியோ வெளியாகி சில மணி நேரங்களில் ஒரு லட்சத்துக்கும் அதிகமான லைக்ஸ்கள் கிடைத்துள்ளது என்பதும், சுமார் 400 கமெண்ட்ஸ்கள் பதிவாகியுள்ளது என்பதும் குறிப்பிடத்தக்கது