'கேப்டன் மில்லர்' 'அயலான்' முதல் நாள் வசூலை நெருங்கிய 'கில்லி'.. ரீரிலீசில் சாதனை..!
- IndiaGlitz, [Sunday,April 21 2024]
தளபதி விஜய் மற்றும் த்ரிஷா நடிப்பில் தரணி இயக்கத்தில் உருவான ’கில்லி’ திரைப்படம் கடந்த 2004 ஆம் ஆண்டு வெளியாகி மிகப்பெரிய வெற்றி பெற்றது என்பதும் இந்த படம் 20 ஆண்டுகளுக்கு முன்பே 50 கோடி ரூபாய் வசூல் செய்து சாதனை செய்த படம் என்பதும் தெரிந்தது.
இந்த நிலையில் தற்போது ரீமாஸ்டர் செய்யப்பட்டு புத்தம் புது பொலிவுடன் சமீபத்தில் ’கில்லி’ திரைப்படம் ரிலீசான நிலையில் இந்த ஆண்டு வெளியான புதிய திரைப்படங்களுக்கு இணையாக ஓப்பனிங் வசூல் செய்திருப்பதாக வெளிவந்திருக்கும் தகவல் ஆச்சரியத்தை ஏற்படுத்தி உள்ளது.
இந்த ஆண்டு வெளியான தனுஷின் ’கேப்டன் மில்லர்’ திரைப்படம் முதல் நாளில் ரூ.9 கோடி வசூலித்ததாக கூறப்பட்டது. அதேபோல் சிவகார்த்திகேயன் நடித்த ’அயலான்’ திரைப்படம் முதல் நாளில் ரூ.8 கோடி வசூல் செய்ததாகவும் தகவல் வெளியாகின. இந்த நிலையில் ’கில்லி’ படத்தின் முதல் நாள் வசூல் கிட்டத்தட்ட 7 கோடி ரூபாய் வசூல் செய்திருப்பதாக கூறப்படும் நிலையில் புதிய திரைப்படங்களின் வசூலுக்கு இணையாக ரீரிலீஸ் படம் வசூல் செய்திருப்பது பெரும் ஆச்சரியத்தை ஏற்படுத்தியுள்ளது.
அதுமட்டுமின்றி சென்னை கமலா தியேட்டரில் அடுத்த வாரம் சனி ஞாயிறு வரை இரண்டு தியேட்டர்களிலும் ஹவுஸ்புல் ஆகிவிட்டதாக அந்த திரையரங்கு உரிமையாளர் பேட்டி அளித்துள்ளார் என்பது குறிப்பிடத்தக்கது.
20 ஆண்டுகளுக்கு முன்பு ரிலீசான ஒரு திரைப்படம் மீண்டும் ரீரிலீஸ் ஆகி இந்த ஆண்டு ரிலீஸ் ஆன புதிய படங்களுக்கு இணையாக வசூல் செய்துள்ளது என்றால் அது நிச்சயம் தளபதி விஜய்யின் மாஸ் தான் என்பது குறிப்பிடத்தக்கது.