பிரித்விராஜ் நடிக்கும் மலையாள படத்தில் 'துப்பாக்கி' விஜய்?
- IndiaGlitz, [Tuesday,October 13 2015]
மணிரத்னம் இயக்கிய 'ராவணன்', வசந்தபாலன் இயக்கிய 'காவியத்தலைவன்' உள்பட பல தமிழ் படங்களிலும் ஏராளமான மலையாள படங்களிலும் நடித்துள்ள நடிகர் பிரித்விராஜ் தற்போது நடித்து வரும் படங்களில் ஒன்று 'பாவாட' (Pavada). இந்த படத்தில் பிரித்விராஜ், அனூப் மேனன், ஆஷா சரத், பிஜு மேனன், மியா ஜார்ஜ் உள்பட பலர் நடித்து வருகின்றனர்.
இந்நிலையில் இந்த படத்தில் பிரித்விராஜ் இளையதளபதி விஜய் ரசிகராக நடித்து வருவதாகவும், விஜய் நடித்த 'துப்பாக்கி' படத்தின் முதல்நாள் முதல் காட்சியின்போது தியேட்டரில் பிரித்விராஜ் விஜய்யின் கட் அவுட்டிற்கு மாலை அணிவிப்பது போன்ற காட்சிகள் இந்த படத்தில் இருப்பதாகவும் செய்திகள் வெளிவந்துள்ளது.
தமிழில் அஜீத் படத்தின் அட் அவுட்டிற்கு மாலை அணிவிப்பது போன்றும் பாலாபிஷேகம் செய்வது போன்றும் பல படங்கள் வந்துள்ள நிலையில், விஜய்க்கு கேரளாவில் ரசிகர் கூட்டம் அதிக இருப்பதால் அங்கு விஜய்யின் கட் அவுட்டுக்கு மாலை போன்ற காட்சிகள் எடுக்கப்பட்டு வருவதாக கூறப்படுகிறது. மார்த்தாண்டன் இயக்கி வரும் இந்த படம் வரும் டிசம்பரில் ரிலீஸ் ஆகும் என எதிர்பார்க்கப்படுகிறது.