எட்டாவது வாரத்திலும் வசூலில் சாதனையை எட்டிய 'தெறி'
- IndiaGlitz, [Monday,May 30 2016]
இளையதளபதி விஜய் நடித்த 'தெறி' திரைப்படம் ரிலீஸ் ஆகி எட்டு வாரங்களை கடந்த போதிலும் நான்ஸ்டாப் ஆக இன்னும் வசூல் மழை பொழிந்து கொண்டிருக்கின்றது.
சென்னையில் கடந்த வாரத்தில் ஏழு திரையரங்குகளில் 21 காட்சிகள் ஓடிய 'தெறி' திரைப்படம் ரூ.3,48,640 வசூல் செய்துள்ளது. மேலும் திரையரங்குகளில் 80% இருக்கைகளை பார்வையாளர்கள் நிரப்பியிருந்தனர் என்பது குறிப்பிடத்தக்கது.
சென்னையில் கடந்த ஏப்ரல் 14ஆம் தேதி முதல் மே 29ஆம் தேதி வரை இந்த படம் ரூ.11,35,08,410 வசூல் செய்துள்ளது. எட்டு வாரங்கள் முடிந்துள்ள சென்னையில் மிக அதிகமாக வசூல் செய்து சாதனையை எட்டிய திரைப்படம் இதுதான் என்பது குறிப்பிடத்தக்கது.