இளையதளபதி விஜய் நடித்த 'தெறி' படத்தின் இசை வெளியீட்டு விழா வரும் 13ஆம் தேதி அல்லது 20ஆம் தேதி ஆகிய இரு தினங்களில் ஏதாவது ஒரு தினத்தில் இருக்கும் என்று கிட்டத்தட்ட உறுதியான தகவல் வெளிவந்த நிலையில் தற்போது மார்ச் 20 தேதி இந்த படத்தின் இசை வெளியீட்டு விழா நடைபெறவுள்ளதாக செய்திகள் வெளிவந்துள்ளது.

இந்த படம் ஜி.வி.பிரகாஷின் 50வது படம் என்பதால் ஜித்து ஜில்லாடி பாடல் உள்பட அனைத்து பாடல்களையும் ஜி.வி.பிரகாஷ் மிகுந்த சிரத்தையெடுத்து கம்போஸ் செய்துள்ளார். ஏற்கனவே இந்த படத்தின் பாடல்கள் கில்லி' பட பாடல்களுக்கு இணையாக இருக்கும் என்று ஏற்கனவே ஜி.வி.பிரகாஷ் தெரிவித்துள்ளார் என்பது குறிப்பிடத்தக்கது.

விஜய்,சமந்தா, எமிஜாக்சன், ராதிகா, மொட்டை ராஜேந்திரன், இயக்குனர் மகேந்திரன் உள்பட பலர் நடித்துள்ள இந்த படத்தை அட்லி இயக்க, பெரும் பொருட்செலவில் கலைப்புலி எஸ்.தாணு தயாரித்துள்ளார். இந்த படம் வரும் ஏப்ரல் 14-ஆம் தேதி வெளியாகும் என எதிர்பார்க்கப்படுகிறது.