'தெறி'க்கு கிடைத்த மிகப்பெரிய பாராட்டு
- IndiaGlitz, [Saturday,March 26 2016]
இளையதளபதி விஜய் நடித்து முடித்துள்ள 'தெறி' படத்திற்கு இதுவரை இல்லாத அளவிற்கு மிகப்பெரிய எதிர்பார்ப்பு ஏற்பட்டுள்ளது. இந்த படத்தின் டீசர், டிரைலர், பாடல்கள் மற்றும் போஸ்டர்கள் பெற்ற வரவேற்பு இதுவரை வேறு எந்த விஜய் படத்திற்கு கிடைத்ததில்லை என்பது குறிப்பிடத்தக்கது.
இந்நிலையில் சமீபத்தில் இந்த படத்தின் டிரைலர் சூப்பர் ஸ்டார் ரஜினிகாந்த் அவர்களுக்காக ஸ்பெஷலாக திரையிடப்பட்டதாகவும் டிரைலரை பார்த்த ரஜினிகாந்த், விஜய், அட்லி உள்பட படக்குழுவினர் அனைவரையும் பாராட்டியுள்ளதாக தகவல்கள் வெளிவந்துள்ளது. சூப்பர் ஸ்டாரின் பாராட்டு 'தெறி' படக்குழுவினர் மேலும் ஊக்கத்தை அளித்துள்ளது என்பது குறிப்பிடத்தக்கது.
'தெறி' திரைப்படம் வரும் ஏப்ரல் 14ல் தமிழ்ப்புத்தாண்டு விருந்தாக வெளிவரவுள்ளது. விஜய், சமந்தா, எமிஜாக்சன், மகேந்திரன், ராதிகா, மொட்டை ராஜேந்திரன் உள்பட பலர் நடித்துள்ள இந்த படத்திற்கு ஜி.வி.பிரகாஷ் இசையமைத்துள்ளார். கலைப்புலி எஸ்.தாணு இந்த படத்தை பிரமாண்டமாக தயாரித்துள்ளார்.