விஜய்யின் 'தெறி'. ஃபர்ஸ்ட் லுக் விமர்சனம்
- IndiaGlitz, [Wednesday,November 25 2015]
இளையதளபதி விஜய் நடித்து முடிக்கவுள்ள 'விஜய் 59' படத்தின் டைட்டில் கிட்டத்தட்ட அனைவரும் எதிர்பார்த்த மாதிரியே 'தெறி' என்று அறிவிக்கப்பட்டுவிடது. பொதுவாக விஜய் படம் என்றால் அதுவும் ஆக்சன் படம் என்றால் தெறிக்க விடும் அளவுக்குத்தான் இருக்கும். அதையே டைட்டிலாக வைத்துள்ள இந்த படம் நிச்சயம் தெறிக்க வைக்கும் என்பதில் சந்தேகமில்லை.
மின்னல் பின்னணியில் கையில் துப்பாக்கியுடன் விஜய் ஓடி வரும் ஸ்டில்லில் இருந்தே இது ஒரு பக்கா ஆக்சன் படம் என்பதை புரிந்து கொள்ள முடிகிறது. போக்கிரி, ஜில்லா வரிசையில் போலீஸ் அதிகாரியாக விஜய் நடிக்கும் இந்த படமும் பெரும் எதிர்பார்ப்பை ஏற்படுத்தும் வகையில் ஃபர்ஸ்ட் லுக் அமைந்துள்ளது.
அதே போல் அடுத்த ஸ்டில்லில் மூன்று வித்தியாசமான தோற்றத்தில் விஜய் உள்ளது பல ஊகங்களை ஏற்படுத்தியுள்ளது. தாடி மற்றும் கண்ணாடியுடன் நார்மலான தோற்றத்தில் ஒரு விஜய்யும், போலீஸ் உடையில் கூர்மையான அதே நேரத்தில் ஒரு மெல்லிய புன்னகையுடன் கூடிய இன்னொரு தோற்றம், மூன்றாவதாக கோபத்துடன் பார்க்கும் ஒரு தோற்றம் என மூன்று தோற்றங்களும் பெரிய சஸ்பென்ஸ்ஸை ஏற்படுத்தியுள்ளது என்பது குறிப்பிடத்தக்கது.