விஜய்யின் தெறி: சென்னை வசூல் நிலவரம்
- IndiaGlitz, [Tuesday,May 17 2016]
இளையதளபதி விஜய் நடித்த 'தெறி' திரைப்படம் கடந்த ஏப்ரல் 14ஆம் தேதி வெளியாகி ஒரு மாதத்தை கடந்தும் சென்னையில் இன்னும் வெற்றிகரமாக ஒருசில திரையரங்குகளில் ஓடிக்கொண்டிருக்கின்றது.
கடந்த வார நிலவரப்படி சென்னையில் 11 திரையரங்குகளில் 59 காட்சிகள் திரையிடப்பட்டு 80% பார்வையாளர்களுடன் ரூ.11,75,160 வசூல் செய்துள்ளது.
மேலும் சென்னையில் கடந்த ஏப்ரல் 14 முதல் மே 15வரையிலான காலகட்டத்தில் மொத்தம் ரூ.11,13,84,755 வசூல் செய்துள்ளது. சென்னையில் இதுவரை திரையிடப்பட்ட திரைப்படங்களில் 'தெறி' வசூல் மட்டுமே மிக அதிகம் என்பது குறிப்பிடத்தக்கது. இந்த சாதனையை இனிவரும் படங்கள் முறியடிக்குமா? என்பதை பொறுத்திருந்து பார்ப்போம்.,