இளையதளபதி விஜய் திரையுலகிற்கு வந்த இந்த 24 வருடங்களில் சமீபத்தில் வெளியான 'தெறி' திரைப்படம்தான் மிகப்பெரிய வசூலை பெற்றுள்ளதாக அதிகாரபூர்வ செய்திகள் வெளிவந்துள்ளது. கடந்த தமிழ்ப்புத்தாண்டு தினத்தில் வெளியான இந்த படம் ரூ.150 கோடி வசூல் செய்துள்ளது. ரஜினி படங்களை அடுத்து மிகப்பெரிய வசூலை பெற்ற தமிழ்ப்படம் இதுவே என்பது குறிப்பிடத்தக்கது.

ஏற்கனவே விஜய் நடிப்பில் கலைப்புலி எஸ்.தாணு தயாரித்த 'துப்பாக்கி' ரூ.100 கோடி கிளப்பில் இணைந்து சாதனை செய்த நிலையில் இந்த கூட்டணி மீண்டும் அதே சாதனையை செய்துள்ளது. அட்லி இயக்கத்தில் விஜய், சமந்தா நடிப்பில் ஜி.வி.பிரகாஷ் இசையமைப்பில் உருவான இந்த படத்தின் மொத்த பட்ஜெட்டே ரூ.65 கோடிதான் என்பது குறிப்பிடத்தக்கது.

விஜய், சமந்தா, நைனிகாவின் இயல்பான நடிப்பு, அட்லியின் அழுத்தமான அதே நேரத்தில் எண்டர்டெயின்மெண்ட் கலந்த திரைக்கதை, ஜி.வி.பிரகாஷின் பாடல்கள் மற்றும் பின்னணி இசை ஆகியவை இந்த படத்தின் வெற்றிக்கு ஒருசில காரணங்கள் என்பது குறிப்பிடத்தக்கது.