இளையதளபதி விஜய் நடித்து முடித்துள்ள 'தெறி' படத்தின் போஸ்ட் புரடொக்ஷன்ஸ் பணிகள் விறுவிறுப்பாக நடைபெற்று வரும் நிலையில் அடுத்ததாக இந்த படத்தின் பாடல்கள் குறித்த தகவல்கள் வெளிவர தொடங்கியுள்ளது.

'தெறி' படம் ஜி.வி.பிரகாஷ் இசையமைக்கும் 50வது படம் என்பதால் அவர் பிரத்யேகமாக கூடுதல் முயற்சியுடன் இந்த படத்தின் அனைத்து பாடல்களையும் கம்போஸ் செய்துள்ளதாகவும், விஜய்யின் 'கில்லி' படத்திற்கு பின்னர் அனைத்து பாடல்களும் சூப்பர் ஹிட் ஆகும் படமாக 'தெறி' இருக்கும் என்றும் ஜி.வி.பிரகாஷ் தனது நட்பு வட்டாரத்தில் நம்பிக்கையுடன் தெரிவித்ததாக செய்திகள் வெளிவந்துள்ளது.

மேலும் இந்த படத்தில் விஜய்யின் அறிமுகப்பாடல் 'ஜித்து ஜில்லாடி...மிட்டா கில்லாடி' என்று தொடங்குவதாகவும், விஜய்யின் மாஸ் பாடல்களில் இந்த பாடலும் ஒன்றாக இருக்கும் என்று கூறப்படுகிறது. இந்த படத்தின் பாடல் வெளியீடு விரைவில் நடைபெறவுள்ளதாகவும், இதுகுறித்த அதிகாரபூர்வ அறிவிப்பு விரைவில் வெளிவரும் என்றும் செய்திகள் வெளிவந்து கொண்டிருக்கின்றன.