வரும் தீபாவளி தினத்தில் விஜய்யின் 'சர்கார்', அஜித்தின் 'விசுவாசம்' மற்றும் சூர்யாவின் 'என்.ஜி.கே' ஆகிய திரைப்படங்கள் வெளியாகலாம் என்று கூறப்பட்டது. ஆனால் தீபாவளி ரேஸில் இருந்து அஜித்தின் 'விசுவாசம்' விலகி பொங்கலுக்கு சென்றுள்ளதால் இந்த இடத்தை நிரப்ப மேலும் சில முன்னணி நடிகர்களின் படங்கள் ரிலீஸ் ஆக வாய்ப்பு இருப்பதாக கூறப்படுகிறது.

குறிப்பாக தனுஷின் 'மாரி 2' படத்தின் பெரும்பாலான படப்பிடிப்பு முடிவடைந்து போஸ்ட் புரடொக்சன்ஸ் பணிகளும் தொடங்கிவிட்டதால் இந்த படமும் தீபாவளி ரேஸில் இணைய வாய்ப்பு உள்ளது. மேலும் விஷாலின் 'சண்டக்கோழி 2', மற்றும் விக்ரமின் 'சாமி 2' ஆகிய படங்களும் தீபாவளி ரேஸில் இணையும் என்று எதிர்பார்க்கப்படுகிறது.

ஆனால் தீபாவளி திருநாளாக இருந்தாலும் ஒரே நேரத்தில் ஐந்து முன்னணி நடிகர்களின் படங்கள் ரிலீஸ் ஆனால் போதுமான திரையரங்குகள் கிடைப்பதில் சிக்கலும், பெரிய நடிகர்களின் படங்களின் ஓப்பனிங் வசூல் பாதிக்கவும் வாய்ப்பு உள்ளது. எனவே இந்த படங்களின் அதிகாரபூர்வ ரிலீஸ் தேதி அறிவிக்கப்படும் வரை பொறுமை காப்போம்