தளபதி விஜய் நடிப்பில் ஏ.ஆர்.முருகதாஸ் இயக்கி வரும் 'சர்கார்' படத்தின் படப்பிடிப்பு இறுதிக்கட்டத்தில் உள்ளது. இந்த படத்தை வரும் தீபாவளி அன்று திரையில் வெளியிட திட்டமிட்டிருப்பதால் இந்த படத்தின் பணிகள் இரவுபகலாக நடைபெற்று வருகிறது.

இந்த நிலையில் இந்த படத்தின் அடுத்தகட்ட படப்பிடிப்புக்காக இம்மாத இறுதியில் படக்குழுவினர் அனைவரும் அமெரிக்கா செல்லவுள்ளனர். அங்கு பாடல்  மற்றும் ஆக்சன் காட்சிகள் படமாக்கப்படும் என எதிர்பார்க்கப்படுகிறது.

இந்த நிலையில் வரும் திங்கள் முதல் இந்த படத்தின் அடுத்தகட்ட பணியான டப்பிங் பணியை விஜய் தொடங்கவுள்ளதாக செய்திகள் வெளிவந்துள்ளது. இதன்மூலம் விஜய் சம்பந்தப்பட்ட வசனக்காட்சிகளின் படப்பிடிப்புகள் முடிவடைந்திருக்கலாம் என்று யூகிக்கப்படுகிறது.

விஜய், கீர்த்திசுரேஷ், வரலட்சுமி, ராதாரவி, பழ.கருப்பையா உள்ளிட்டோர் நடித்து வரும் இந்த படத்திற்கு ஆஸ்கார் நாயகன் ஏ.ஆர்.ரஹ்மான் இசையமைக்கவுள்ளார். சன் பிக்சர்ஸ் நிறுவனம் தயாரிக்கும் இந்த படம் இந்த ஆண்டின் அதிக எதிர்பார்ப்புக்குரிய படங்களில் ஒன்றாகும்.