'சர்கார்' படத்தில் தான் முதலமைச்சராக நடிக்கவில்லை என்றும், ஒருவேளை தமிழகத்தின் முதலமைச்சராக ஆனால், நிஜத்தில் முதல்வராக நடிக்க மாட்டேன் என்றும் உண்மையாக இருப்பேன் என்றும் தளபதி விஜய் நேற்று ந்டந்த 'சர்கார்' இசை வெளியீட்டு விழாவில் கூறினார்.

மேலும் நான் முதலமைச்சரானால் லஞ்சம், ஊழலை ஒழிப்பேன் என்றும் ஒரு மாநிலத்திற்கு நல்ல தலைவர்கள் தேவை. மேலிருக்கும் அதிகாரிகள், அமைச்சர்கள் நல்லவர்களாக இருந்தால் மாநிலம் நல்லதாகவே இருக்கும் என்று கூறியதோடு, இதுகுறித்து பொருத்தமாக ஒரு குட்டிக்கதையும் கூறினார்.

மேலும் தேர்தலில் நின்று ஜெயித்து சர்கார் அமைப்பாங்க. நாங்க சர்கார் அமைத்து தேர்தலில் நிற்கப் போகிறோம். நான் படத்தைச் சொன்னேன். பிடித்திருந்தா படத்துக்கு ஓட்டு போடுங்க என்று கூறிய விஜய் 'சர்கார்' படம் குறித்து கூறுகையில், 'மெர்சல்' திரைப்படத்தில் கொஞ்சம் அரசியல் இருந்தது. ஆனால் சர்கார் படத்தில் அர்சியலிலேயே மெர்சல் பண்ணியிருக்கோம் என தெரிவித்துள்ளார்.