ரஜினியின் 'காக்கா' கதைக்கு பதிலடி கொடுப்பாரா விஜய்? எதிர்பார்ப்பில் 'லியோ' இசை வெளியீட்டு விழா..!
- IndiaGlitz, [Thursday,August 03 2023]
சூப்பர் ஸ்டார் ரஜினிகாந்த் நடித்த ’ஜெயிலர்’ திரைப்படத்தின் இசை வெளியீட்டு விழா சமீபத்தில் நடந்த நிலையில் இந்த விழாவில் பேசிய ரஜினிகாந்த் பருந்து - காக்கா கதையை கூறினார். சூப்பர் ஸ்டார் பட்டத்திற்கு ஆசைப்படுபவர்கள் நிலைமை குறித்து அவர் மறைமுகமாக கூறியதாகவும் கூறப்பட்டது.
இந்த நிலையில் விஜய் இதுவரை சூப்பர் ஸ்டார் பட்டம் குறித்து நேரடியாக எதுவும் சொல்லவில்லை என்றாலும் அவரது ரசிகர்கள் விஜய் தான் அடுத்த சூப்பர் ஸ்டார் என்று கூறி வருவது தான் ரஜினியின் இந்த பேச்சுக்கு காரணம் என்று கூறப்பட்டது.
இந்த நிலையில் விஜய் நடித்து முடித்துள்ள ‘லியோ’ திரைப்படத்தின் இசை வெளியீட்டு விழா விரைவில் நடைபெற இருக்கும் நிலையில் இந்த விழாவில் விஜய் பேசும் போது காக்கா கதைக்கு பதிலடி கொடுக்கும் வகையில் பேசுவார் என விஜய் தரப்பு கூறுகிறது.
ஆனால் அதே நேரத்தில் ’ஜெயிலர்’ திரைப்படத்தை சன் பிக்சர்ஸ் நிறுவனம் தயாரித்துள்ளது என்பதும் ரெட் ஜெயண்ட் மூவிஸ் நிறுவனம் வெளியிட உள்ளது என்பதால் விஜய் அடக்கியே வாசிப்பார் என்று இன்னொரு தரப்பு கூறுகிறது.
அதுமட்டுமின்றி விஜய் விரைவில் அரசியலில் குதிக்க இருக்கும் நிலையில் அவர் ரஜினி ரசிகர்களை பகைத்து கொள்ள மாட்டார் என்றும் எனவே ‘லியோ’ ஆடியோ விழாவில் காக்கா கதைக்கு பதிலடி கொடுக்காமல் ஆனால் அதே நேரத்தில் தன்னுடைய நிலை குறித்து நாகரிகமாக விளக்குவார் என்றும் இன்னொரு தரப்பினர் கூறுகின்றனர்.
மொத்தத்தில் ‘லியோ’ ஆடியோ விழாவை விஜய் ரசிகர்கள் ஆவலுடன் எதிர்பார்க்கிறார்களோ இல்லையோ, ரஜினி ரசிகர்கள் ஆவலுடன் எதிர்பார்த்து காத்திருக்கின்றனர் என்பது குறிப்பிடத்தக்கது.