இளையதளபதி விஜய் நடித்து முடித்துள்ள 'புலி' திரைப்படத்தின் படப்பிடிப்பு முடிவடைந்து, தற்போது முழுவேகத்தில் போஸ்ட் புரடொக்ஷன் பணிகள் நடந்து வரும் நிலையில் இந்த படத்தில் நடிக்க விஜய் ஏன் ஒப்புக்கொண்டார் என்பது குறித்த தகவல்கள் தற்போது வெளிவந்துள்ளது.

விஜய் முதலில் இந்த படத்தின் கதையை சிம்புதேவனிடம் இருந்து கேட்டபோது, இந்த படத்தில் நடிக்கும் எண்ணம் இல்லை என்று கூறப்படுகிறது. இதுவரை ஏற்காத வரலாற்று பின்னணி கேரக்டரில் நடித்து ரிஸ்க் எடுக்க விஜய் முதலில் விரும்பவில்லையாம். ஆனால் விஜய்யுடன் சேர்ந்து கதை கேட்ட அவரது 15 வயது மகன் சஞ்சய், இந்த கதை குழந்தைகளுக்கு கண்டிப்பாக பிடிக்கும் என்றும், இந்த படத்தில் நீங்கள் நடிக்கவேண்டும் என்றும் ஆலோசனை சொல்ல, முதல்முறையாக மகனின் ஆலோசனைக்கேற்ப ஒப்புக்கொண்ட படம் தான் 'புலி' என்று கூறப்படுகிறது. எனவே இந்த படம் குறிப்பாக குழந்தைகளை குறிவைக்கும் படம் என்பது தற்போது உறுதியாகியுள்ளது.

விஜய், ஸ்ருதிஹாசன், ஹன்சிகா, ஸ்ரீதேவி, பிரபு, சுதீப், வித்யூலேகா ராமன், நந்தினி ஸ்வேதா மற்றும் பலர் நடித்துள்ள 'புலி' படத்திற்கு தேவிஸ்ரீ பிரசாத் இசையமைத்துள்ளார். நட்டி நடராஜன் ஒளிப்பதிவு செய்துள்ள இந்த படத்தை பிரமாண்டமாக தயாரித்துள்ளார் பி.டி.செல்வகுமார்.