தளபதி விஜய் கடந்த சில வருடங்களாகவே தான் நடிக்கும் ஒவ்வொரு படத்திலும் ஒரு பாடலை பாடி வருவதை வழக்கமாக கொண்டுள்ளார். அவரது படத்தில் இடம்பெறும் மற்ற பாடல்களை விட விஜய் பாடும் பாடல் அவரது ரசிகர்களிடையே நல்ல வரவேற்பை பெற்று வருகிறது.

இந்த நிலையில் 'மெர்சல்' படத்திற்கு பின்னர் மீண்டும் விஜய் நடிக்கும் 'தளபதி 62' படத்தில் இசையமைக்கும் ஏ.ஆர்.ரஹ்மான் இந்த படத்தில் விஜய்யை ஒரு பாடலை பாட வைக்க முடிவு செய்திருப்பதாக செய்திகள் வெளிவந்து கொண்டிருக்கின்றது. 'மெர்சல்' படத்திலேயே விஜய் ஒரு பாடலை பாடுவார் என்று ரசிகர்கள் ஆவலுடன் எதிர்பார்த்தனர். ஆனால் அந்த படத்தில் ரசிகர்களின் ஆசை நிறைவேறவில்லை. எனவே  'தளபதி 62;' படத்தில் விஜய் ஒரு பாடலை உள்ளதாக வெளிவந்துள்ள செய்தி அவரது ரசிகர்களுக்கு இன்ப அதிர்ச்சியை அளித்துள்ளது.

விஜய், கீர்த்திசுரேஷ், வரலட்சுமி, யோகிபாபு உள்ளிட்ட பலர் இந்த படத்தில் நடித்துவரும் இந்த படத்தை ஏ.ஆர்.முருகதாஸ் இயக்கி வருகிறார்.  க்ரிஷ் கங்காதரன் ஒளிப்பதிவில் ஸ்ரீகர் பிரசாத் படத்தொகுப்பில் உருவாகும் இந்த படத்தை சன் பிக்சர்ஸ் நிறுவனம் பிரமாண்டமாக தயாரித்து வருகிறது. இந்த படம் வரும் தீபாவளி தினத்தில் வெளியாகும் என்று எதிர்பார்க்கப்படுகிறது.