స్టార్ డైరెక్ట‌ర్స్‌కి షాకిచ్చిన విజయ్..!
- IndiaGlitz, [Saturday,December 12 2020]
కోలీవుడ్ అగ్ర క‌థానాయ‌కుడు విజయ్ ఇప్పుడిప్పుడే త‌న సినిమాల‌కు తెలుగులో మార్కెట్‌ను క్రియేట్ చేసుకునే ప‌నిలో ఉన్నాడు. ఈయ‌న హీరోగా చేసిన మాస్ట‌ర్ సినిమా విడుద‌ల‌కు రెడీ అయ్యింది. లాక్‌డౌన్ త‌ర్వాత ఇప్పుడే థియేట‌ర్స్‌కు అనుమ‌తులు ఇచ్చిన నేప‌థ్యంలో మాస్ట‌ర్ సినిమాను వ‌చ్చే ఏడాది విడుద‌ల చేయ‌డానికి స‌న్నాహాలు చేస్తున్నారు. ఈ క్ర‌మంలో విజయ్ త‌దుప‌రి సినిమా ఏంటి? డైరెక్ట‌ర్ ఎవ‌రు? అనే దానిపై చాలా రోజుల క్లారిటీ రాలేదు. మురుగ‌దాస్ ద‌ర్శ‌క‌త్వంలో చేస్తాడ‌ని, కాదు అట్లీ ద‌ర్శ‌క‌త్వంలో చేస్తాడంటూ ఇలా చాలా వార్త‌లే వినిపించాయి.
అయితే అంద‌రికీ షాకిస్తూ విజయ్ కేవ‌లం రెండు సినిమ‌ల అనుభ‌వ‌మున్న ద‌ర్శ‌కుడితో సినిమా చేయ‌డానికి ఓకే చెప్ప‌డం అంద‌రికీ షాకింగ్ విష‌యం.ఆ దర్శకుడు ఎవ‌రో కాదు.. నెల్స‌న్ దిలీప్ కుమార్‌. నెల్స‌న్ న‌య‌న‌తార‌తో కోల‌మావు కోకిల విడుద‌లై సూప‌ర్‌హిట్ అయ్యింది. మ‌రో వైపు శివ‌కార్తీకేయ‌న్‌తో చేసిన డాక్ట‌ర్ సినిమా విడుద‌ల‌కు సిద్ధంగా ఉంది. అంటే ఈ రెండు సినిమాల్లోనూ విడుద‌లైంది ఓ సినిమానే. బ‌డ్డింగ్ డైరెక్ట‌ర్ నెల్స‌న్‌కు విజయ్ అవ‌కాశం ఇవ్వ‌డం టాక్ ఆఫ్ ది ఇండ‌స్ట్రీ అయ్యింది. ప్రముఖ నిర్మాణ సంస్థ స‌న్ పిక్చ‌ర్స్ ఈ చిత్రాన్ని నిర్మించ‌నుంది. అనిరుధ్ ర‌విచంద్ర‌న్ ఈ చిత్రానికి సంగీతాన్ని అందించ‌నున్నారు.