త‌మిళంలో విల‌క్ష‌ణ‌మైన పాత్ర‌ల్లో న‌టిస్తూ విజ‌యాల‌ను అందుకుంటున్న హీరో విజ‌య్ సేతుప‌తి. ఈ యువ క‌థానాయ‌కుడు తొలిసారి 'సైరా న‌ర‌సింహారెడ్డి' ద్వారా స్ట్ర‌యిట్ తెలుగు సినిమాలో న‌టిస్తున్నాడు. తెల్ల‌దొర‌ల‌కు వ్య‌తిరేకంగా పోరాడిన తొలి స్వాతంత్ర్య స‌మ‌ర యోధుడు ఉయ్యాల‌వాడ న‌ర‌సింహారెడ్డి జీవిత క‌థ‌తో ఈ సినిమా రూపొంద‌నుంది.

సురేంద‌ర్ రెడ్డి ద‌ర్శ‌క‌త్వంలో రామ్ చ‌ర‌ణ్ నిర్మిస్తున్న ఈ చిత్రం ప్ర‌స్తుతం హైద‌రాబాద్‌లో తొలి షెడ్యూల్ చిత్రీక‌ర‌ణ‌ను జ‌రుపుకుంటుంది. అమితాబ్ బ‌చ్చ‌న్‌తో పాటు న‌య‌న‌తార‌, సుదీప్ త‌దిత‌రులు కూడా ఈ సినిమాలో న‌టిస్తున్నారు. అమితాబ్ ఉయ్యాల‌వాడ న‌ర‌సింహారెడ్డి గురువు పాత్ర‌లో న‌టిస్తున్నాడ‌ని వార్తలు విన‌ప‌డ్డాయి. కాగా..ఇప్పుడు ఈ సినిమాలో విజ‌య్ సేతుప‌తి చిరంజీవి రైట్ హ్యాండ్‌గా ఉండే ఓబ‌య్య పాత్ర‌లో క‌నిపిస్తాడ‌ట‌.