தனுஷ் நடித்த ‘கர்ணன்’ திரைப்படத்தைப் பார்த்த பிரபல நடிகர் ஒருவர் இயக்குனர் மாரி செல்வராஜை பார்த்து ’மனம் திறந்து சொல்றேன் நீ நல்லா வருவ’ என்று பாராட்டிய வீடியோ தற்போது வைரல் ஆகி வருகிறது

தனுஷ் நடிப்பில் மாரி செல்வராஜ் இயக்கத்தில் உருவான ‘கர்ணன்’ திரைப்படம் நேற்று வெளியான நிலையில் இந்த படத்தை ரசிகர்கள் திரையுலக பிரமுகர்களும் அரசியல் வாதிகளும் கொண்டாடி வருகின்றனர். இந்த படம் வசூல் அளவிலும் மிகப்பெரிய வெற்றி பெற்றுள்ளது என்பது குறிப்பிடத்தக்கது

இந்த நிலையில் இந்த படத்தை பார்த்த மக்கள் செல்வன் விஜய் சேதுபதி இயக்குனர் மாரி செல்வராஜை கட்டிப்பிடித்து வாழ்த்து தெரிவித்தார். ‘லவ் யூ நல்லா வருவ, அற்புதமான படம், மனசார சொல்றேன், நன்றி’ என மாரி செல்வராஜ்க்கு அவர் வாழ்த்து தெரிவித்த வீடியோ காட்சிகள் தற்போது சமூக வலைதளங்களில் வைரல் ஆகி வருகின்றன என்பது குறிப்பிடத்தக்கது

தமிழ் திரையுலகின் மாஸ் நடிகர்களில் ஒருவராகிய விஜய் சேதுபதியிடம் பாராட்டு பெற்ற மாரி செல்வராஜ் விரைவில் விஜய் சேதுபதி படத்தை இயக்குவாரா? என்பதை பொறுத்திருந்து பார்ப்போம்.