மீண்டும் கமல் படத்தில் விஜய்சேதுபதி.. மாஸ் தகவல்..!
- IndiaGlitz, [Wednesday,June 14 2023]
உலகநாயகன் கமல்ஹாசன் நடித்த மிகப்பெரிய வெற்றிப்படம் ’விக்ரம்’, இந்த திரைப்படத்தில் வில்லனாக விஜய் சேதுபதி மிரட்டி இருந்தார் என்பதும் குறிப்பாக கமல் மற்றும் விஜய் சேதுபதி மோதும் கிளைமாக்ஸ் காட்சிகள் திரில்லாக இருந்தது பார் என்பதும் அனைவரும் அறிந்ததே.
இந்த நிலையில் கமல்ஹாசனின் அடுத்த திரைப்படத்தில் மீண்டும் விஜய் சேதுபதி முக்கிய வேடத்தில் நடிக்க இருப்பதாகவும் இது குறித்து பேச்சுவார்த்தை நடைபெற்று வருவதாகவும் கூறப்படுகிறது.
உலக நாயகன் கமல்ஹாசன் நடிப்பில் இயக்குனர் எச் வினோத் இயக்கத்தில் உருவாக இருக்கும் திரைப்படம் ’கமல் 233’. இந்த படத்தின் ஆரம்பகட்ட பணிகள் தொடங்கி விட்டதாகவும் வரும் ஆகஸ்ட் மாதம் இந்த படத்தின் படப்பிடிப்பு தொடங்கும் என்றும் கூறப்படுகிறது.
இந்த நிலையில் இந்த படத்தின் முக்கிய கேரக்டரில் விஜய் சேதுபதி நடிக்க பேச்சுவார்த்தை நடைபெற்று வருவதாகவும் விரைவில் இது குறித்து தகவல் வெளியாகும் என்றும் கூறப்படுகிறது. விஜய் சேதுபதி கமலுக்கு வில்லனாக நடிப்பாரா? அல்லது வித்தியாசமான வேடத்தில் நடிப்பாரா? என்பதை பொறுத்து இருந்து பார்ப்போம்.