விஜய்சேதுபதியை முந்திய சசிகுமார்-ராஜ்கிரண் கூட்டணி!
- IndiaGlitz, [Wednesday,February 27 2019]
சிவகார்த்திகேயன் நடித்த 'வருத்தப்படாத வாலிபர் சங்கம்', 'ரஜினி முருகன்' மற்றும் 'சீமராஜா' போன்ற படங்களை இயக்கிய இயக்குனர் பொன்ராம் அடுத்ததாக விஜய்சேதுபதி நடிக்கும் படம் ஒன்றை இயக்க ஒப்பந்தமானார்.
இந்த நிலையில் விஜய்சேதுபதிபதியின் மற்ற படங்கள் முடிந்து பொன்ராம் இயக்கும் படம் அடுத்த வருடம் தான் தொடங்கும் என்று கூறப்பட்டது. இந்த இடைப்பட்ட காலத்தை வீணாக்க விரும்பாத பொன்ராம், ஒரு குறுகிய கால திரைப்படம் ஒன்றை இயக்க முடிவு செய்தார். அந்த படத்தில் தான் சசிகுமார் மற்றும் ராஜ்கிரண் ஆகியோர் முக்கிய வேடத்தில் நடிக்கவுள்ளனர்.
பொன்ராம் இயக்கிய மற்ற படங்கள் போலவே இந்த படமும் கிராமத்து கதையம்சம் கொண்ட படம் என்றும், சசிகுமார் மற்றும் ராஜ்கிரண் ஆகிய இருவரும் கிராமத்து கேரக்டர்களுக்கு பொருத்தமாக இருந்ததால் அவர்களை தேர்வு செய்துள்ளதாகவும் பொன்ராம் கூறியுள்ளார். இந்த படத்தின் படப்பிடிப்பு விரைவில் தொடங்கவிருப்பதாகவும் இந்த படத்தை முடித்த பின்னர் பொன்ராம், விஜய்சேதுபதி படத்தை இயக்குவார் என்பதும் குறிப்பிடத்தக்கது