பாலிவுட் சூப்பர் ஸ்டார் அமீர்கான் நடிக்கும் படம் ஒன்றில் மக்கள் செல்வன் விஜய்சேதுபதி நடிக்கவிருப்பதாக வெளிவந்த செய்தியை ஏற்கனவே பார்த்தோம். இந்த நிலையில் இந்த படத்தில் விஜய்சேதுபதியின் கேரக்டர் குறித்த தகவல் தற்போது வெளிவந்துள்ளது.

ஹாலிவுட்டில் சூப்பர் ஹிட் வெற்றி பெற்ற Forrest Gump' என்ற திரைப்படத்தின் ஹிந்தி ரீமேக் படத்தில் அமீர்கான் நடிக்கவுள்ளார். 'லால்சிங் சாதா' என்ற டைட்டில் வைக்கப்பட்டுள்ள இந்த படத்தில் அமீர்கான், டைட்டில் வேடத்தில் நடிக்கவுள்ளார். இந்த படத்தில் அமீர்கானின் நண்பர் கேரக்டரில் விஜய்சேதுபதி நடிக்கவுள்ளார். Forrest Gump' படத்தில் வில்லியம்சன் நடித்த இந்த கேரக்டரில் தான் விஜய்சேதுபதி நடிக்கவுள்ளார்.

மேலும் விஜய்சேதுபதி இந்த கேரக்டருக்கு தேர்வு செய்யப்பட ஒரு முக்கிய காரணம் உள்ளது. 'லால்சிங் சாதா' திரைப்படத்தில் அமீர்கானின் நண்பராக நடிக்கும் கேரக்டர் ஒரு தமிழர் என்பது போல் திரைக்கதை உருவாக்கப்பட்டிருப்பதால் விஜய்சேதுபதி இந்த கேரக்டரில் நடிக்க தேர்வு செய்யப்பட்டுள்ளார் என்பது குறிப்பிடத்தக்கது.