'விஜய் 63' படத்துடன் கனெக்சன் ஆகும் விஜய்சேதுபதியின் அடுத்த படம்
- IndiaGlitz, [Thursday,February 07 2019]
அட்லி இயக்கத்தில் தளபதி விஜய் நடித்து வரும் 'விஜய் 63' திரைப்படம் ஒரு ஸ்போர்ட்ஸ் திரைப்படம் என்பதும் இந்த படத்தில் பெண்கள் கால்பந்து வீராங்கனைகளுக்கு பயிற்சியாளராக விஜய் நடித்து வருகிறார் என்பதும் தெரிந்ததே.
இந்த நிலையில் 'தளபதி 63' படம் போலவே விஜய்சேதுபதியின் அடுத்த படமும் ஒரு ஸ்போர்ட்ஸ் திரைப்படமாக உருவாகவுள்ளது. 'பண்ணையாரும் பத்மினியும், 'சேதுபதி' போன்ற படங்களை இயக்கிய இயக்குனர் அருண்குமார் தற்போது விஜய்சேதுபதி நடித்து வரும் 'சிந்துபாத்' என்ற படத்தை இயக்கி வருகிறார்.
இந்த நிலையில் இயக்குனர் அருண்குமாரின் உதவியாளர் பிரபு இயக்குனராக அறிமுகமாகும் படம் ஒன்றில் விஜய்சேதுபதி நடிக்கவுள்ளார். இந்த படத்தில் விஜய்சேதுபதி வாலிபால் விளையாட்டு வீரராக நடிக்கவுள்ளதாக செய்திகள் வெளிவந்துள்ளது. இந்த படத்தை லைகா நிறுவனம் தயாரிக்கவுள்ளது. இந்த படம் குறித்த அதிகாரபூர்வ அறிவிப்பு விரைவில் வெளிவரவுள்ளது.