கோலிவுட் திரையுலகில் பிசியான நடிகர்களில் ஒருவராகிய விஜய்சேதுபதி நடிப்பில் வரிசையாக படங்கள் வெளியாகவுள்ளது. 'செக்க சிவந்த வானம்' மற்றும் '96' ஆகிய படங்கள் இவற்றில் முக்கியமானது

இந்த நிலையில் அறிமுக இயக்குனர் வெங்கடகிருஷ்ணா ரகுநாத் என்பவர் இயக்கும் படம் ஒன்றில் நடிக்க விஜய்சேதுபதி ஒப்புக்கொண்டுள்ளார். இவர் இயக்குனர் ஜெகநாதன் இயக்கிய 'புறம்போக்கு என்ற பொதுவுடமை' என்ற படத்தில் உதவி இயக்குனராக இருந்தவர் என்பது குறிப்பிடத்தக்கது

இந்த படத்தில் முதல்முறையாக விஜய்சேதுபதி இசையமைப்பாளராக நடிக்கவுள்ளார். இதற்காகவே அவர் ஒருசில இசைக்கருவிகளை இயக்க கற்றுக்கொள்ளவுள்ளதாக இயக்குனர் தெரிவித்துள்ளார்.

இந்த படத்தில் இரண்டு நாயகிகள் நடிக்கவுள்ளதாகவும், அவர்களில் ஒருவர் வெளிநாட்டு நடிகை என்றும் இயக்குனர் தெரிவித்துள்ளார். இந்த படம் குறித்த அதிகாரபூர்வமான அறிவிப்பு மிக விரைவில் வெளியாகவுள்ளது.