விஜய்சேதுபதியின் ஜல்லிக்கட்டுக்கு குறிக்கப்பட்ட நாள்
- IndiaGlitz, [Tuesday,September 12 2017]
மக்கள் செல்வன் விஜய்சேதுபதி நடித்த 'கவண்', 'விக்ரம் வேதா' மற்றும் 'புரியாத புதிர்' ஆகிய மூன்று படங்கள் ஏற்கனவே இந்த ஆண்டு வெளிவந்துவிட்டது. இவற்றில் கவண் மற்றும் விக்ரம் வேதா சூப்பர் ஹிட் ஆகியுள்ளது. இந்த நிலையில் விஜய்சேதுபதியின் அடுத்த படத்தின் வெளியீட்டு தேதி குறித்த அதிகாரபூர்வ அறிவிப்பு வெளியாகியுள்ளது.
ஜல்லிக்கட்டை மையமாக வைத்து விஜய்சேதுபதி நடிப்பில் பன்னீர்செல்வம் இயக்கி வந்த 'கருப்பன்' திரைப்படம் செப்டம்பர் 29ஆம் தேதி வெளியாகவுள்ளதாக அறிவிக்கப்பட்டுள்ளது. நேற்று இந்த படத்தை சென்சார் அதிகாரிகள் பார்த்து படத்திற்கு பாராட்டு தெரிவித்ததோடு 'யூ' சான்றிதழ் அளித்துள்ளனர். சென்சார் சான்றிதழ் கிடைத்ததை அடுத்து ரிலீஸ் தேதியும் உறுதி செய்யப்பட்டுள்ளது.
விஜய்சேதுபதி, தான்யா, பாபிசிம்ஹா, கிஷோர், பசுபதி, லிங்கா, சிங்கம்புலி, ரேணுகா, காவேரி, உள்பட பலர் நடித்துள்ள இந்த படத்திற்கு டி.இமான் இசையமைத்துள்ளார். ஏ.எம். ரத்னம் தயாரித்துள்ள இந்த படத்திற்கு சக்திவேல் ஒளிப்பதிவும், வி.டி.விஜயன் படத்தொகுப்பு பணிகளும் செய்துள்ளனர். சமீபத்தில் மாணவர்களால் புரட்சி ஏற்படுத்தப்பட்ட ஜல்லிக்கட்டு குறித்த கதையம்சம் கொடதால் விஜய்சேதுபதியின் வெற்றிப்பட வரிசையில் இந்த படமும் இணையும் என்று எதிர்பார்க்கப்படுகிறது.