சூப்பர் ஸ்டார் ரஜினிகாந்த் நடிக்கும் அடுத்த படத்தை கார்த்திக் சுப்புராஜ் இயக்கவுள்ளார் என்பது தெரிந்ததே. இந்த படத்தில் விஜய்சேதுபதியும் ஒரு முக்கிய கேரக்டரில் நடிக்கவுள்ளார்.

சமீபத்தில் பேட்டி ஒன்றில் ரஜினி படத்தில் நடிக்க ஒப்புக்கொண்டது ரஜினிக்காகவா? அல்லது கதைக்காகவா? என்ற கேள்விக்கு பதிலளித்த விஜய்சேதுபதி, 'இன்னும் அந்த படத்தின் கதை என்னவென்றே எனக்கு தெரியாது. திரையுலகில் நான் ஒருசிலர்களை முழுவதுமாக நம்புவேன். அவர்களில் ஒருவர் கார்த்திக் சுப்புராஜ். அவரை எனக்கு பர்சனலாகவும், இயக்குனராகவும் நன்கு தெரியும். எனவே அவர் நடிக்க கூப்பிட்டால் உடனே ஒப்புக்கொள்வேன்.

அதேபோல் சூப்பர் ஸ்டார் ரஜினிகாந்த் நடிப்பை இதுவரை திரையில் மட்டுமே பார்த்திருந்த நான், அவர் நடிப்பை நேரில் பார்க்கும் அனுபவத்தை பெற வேண்டும் என்பதற்காகவே இந்த படத்தில் நடிக்க ஒப்புக்கொண்டதாகவும் விஜய்சேதுபதி அந்த பேட்டியில் கூறியுள்ளார்.