క‌మెడియ‌న్‌కి విజ‌య్ సేతుప‌తి స‌పోర్ట్‌
- IndiaGlitz, [Tuesday,November 17 2020]
విల‌క్ష‌ణ న‌టుడు విజ‌య్ సేతుప‌తి మ‌రోసారి త‌న దాతృత్వాన్ని ప్ర‌ద‌ర్శించారు. సీనియ‌ర్ కోలీవుడ్ కమెడియన్, ప‌లు చిత్రాల్లో కామెడీతో మెప్పించిన ప్ర‌ముఖ కమెడియన్ తవసి క్యాన్స‌ర్ బారిన ప‌డ్డారు. దీని కార‌ణంగా, తవసి లుక్ గుర్తు ప‌ట్ట‌లేనంత‌గా మారిపోయారు. త‌న తండ్రి వైద్యానికి సాయం చేయాలంటూ, తవసి కుమారుడు అరుమురుగ‌న్ సోష‌ల్ మీడియా ద్వారా అభ్య‌ర్థించాడు. ఈ అభ్య‌ర్థ‌న‌ను గమనించి సినీ కళాకారులతో పాటు, ఇతరులు సానుకూలంగా స్పందిస్తున్నారు..ఆర్థిక సాయాన్ని అందిస్తున్నారు.
ఇప్పటికే డీఎంకే పార్టీకి చెందిన ఎమ్మెల్యే, డాక్ట‌ర్ శ‌ర‌వ‌ణ‌న్ త‌న హాస్పిట‌ల్‌లో జాయిన్ చేసుకుని, చికిత్స‌ను అందిస్తున్నారు. అలాగే తోటి న‌టీన‌టులు, హీరోలు సాయం చేయ‌డానికి ముంద‌కు వ‌చ్చారు. హీరో శివ కార్తీకేయ‌న్ పాతిక వేలు ఆర్థిక సాయాన్ని అందించారు. కమెడియన్ సూరి ఇర‌వై వేల రూపాయ‌లు, న‌టుడు సౌంద‌ర్ రాజా ప‌దివేల రూపాయ‌ల ఆర్థిక సాయాన్ని అందించారు. వీరితో పాటు విల‌క్ష‌ణ న‌టుడు విజ‌య్ సేతుప‌తి ల‌క్ష రూపాయ‌ల‌ను అందించారు. కోలీవుడ్ ప్రేక్ష‌కులు, అబిమానులు తవసి త్వ‌ర‌గా కోలుకోవాల‌ని ఆకాంక్షిస్తున్నారు.