செம்ம ஸ்மார்ட்டான கெட்டப்புக்கு மாறிய விஜய் சேதுபதி.. இந்த படத்திற்காகவா?
- IndiaGlitz, [Tuesday,July 25 2023]
நடிகர் விஜய் சேதுபதி ஒவ்வொரு திரைப்படத்திற்கும் தனது கெட்டப்பை மாற்றி மிரட்டி வருகிறார் என்பதும் குறிப்பாக சமீபத்தில் வெளியான ’ஜவான்’ படத்தின் கெட்டப்[ மிரள வைத்தது என்பதும் தெரிந்ததே
இந்த நிலையில் அடுத்ததாக விஜய் சேதுபதி ’விடுதலை’ படத்தின் இரண்டாம் பாகத்தில் நடித்து வருகிறார் என்பதும் அவரது பிளாஷ்பேக் காட்சிகளின் படப்பிடிப்பு நடைபெற்று வருவதாகவும் கூறப்படுகிறது.
இந்த நிலையில் முதல் பாகத்தில் போராட்டக்காரர் கெட்டப்பிலிருந்த விஜய் சேதுபதி இரண்டாம் பாகத்தின் பிளாஷ்பேக் காட்சியில் ஸ்மார்ட்டாக மாறி உள்ளார். இந்த படத்திற்காக அவர் வேற லெவலில் கெட்டப் மாறி உள்ள புகைப்படம் தற்போது இணையத்தில் வெளியாகி வைரலாகி வருகிறது.
மேலும் இந்த படத்தில் விஜய் சேதுபதி ஜோடியாக மஞ்சு வாரியர் நடிக்க உள்ளார் என்ற செய்தியை பார்த்தோம். முதல் பாகம் போலவே இரண்டாவது பாகமும் மக்கள் மத்தியில் வரவேற்பு பெறும் என்று எதிர்பார்க்கப்படுகிறது.
வெற்றிமாறன் இயக்கத்தில், இசைஞானி இளையராஜா இசையில் உருவாகி வரும் இந்த படத்தில் சூரி, விஜய் சேதுபதி, கெளதம் மேனன், பவானிஸ்ரீ, பிரகாஷ்ராஜ், ராஜீவ் மேனன் உள்பட பலர் நடித்துள்ளனர். ஆர்.எஸ்.இன்ஃபோடெயின்மெண்ட் நிறுவனம் தயாரித்துள்ள இந்த படம் வேல்ராஜ் ஒளிப்பதிவில் உருவாகி வருகிறது