ரொம்ப நல்லாயிருக்கு, இப்படி ஒரு முதல்வரை நான் பார்த்ததே இல்லை: விஜய்சேதுபதி
- IndiaGlitz, [Friday,September 03 2021]
தமிழக முதல்வர் முக ஸ்டாலின் அவர்கள் சட்டசபையில் பேசுவது குறித்து கருத்து தெரிவித்த மக்கள் செல்வன் விஜய்சேதுபதி ’ரொம்ப நல்லா இருக்கு என்றும், இப்படி ஒரு எளிமையான முதல்வரை நான் பார்த்ததே இல்லை என்றும் கூறினார்
தமிழகத்தில் கடந்த மூன்று மாதங்களுக்கு மேலாக முதல்வர் முக ஸ்டாலின் தலைமையிலான திமுக ஆட்சி நடைபெற்று வருகிறது என்பதும் இந்த ஆட்சியில் அறிவிக்கப்படும் திட்டங்கள் மக்கள் வரவேற்பை பெற்று வருகிறது என்பதும் தெரிந்தது
இந்த நிலையில் தமிழக முதல்வர் மற்றும் முதல்வரின் ஆட்சி, சட்டசபையில் முதல்வர் நடந்து கொள்ளும் விதம் குறித்து பேட்டி ஒன்றில் கூறிய நடிகர் விஜய் சேதுபதி ’சட்டசபை நிகழ்ச்சிகளை பார்க்கவே ரொம்ப நல்லாயிருக்கு என்றும், ரொம்ப பக்குவத்துடன் முதல்வர் பதிலளிக்கிறார் என்றும், இப்படி ஒரு சட்டசபையை பாரு நான் பார்த்ததே இல்லை என்றும் கூறினார்
எதிர்க்கட்சிகள் கேட்கும் கேள்விகளுக்கு ஆளுங்கட்சியினர் பதில் சொல்வதும், முதல்வர் ஒவ்வொன்றுக்கும் விளக்கம் அளிப்பதும் பார்க்கும்போது மிகவும் அழகாக இருக்கிறது என்றும் கூறினார். மேலும் புத்தகப் பையில் முன்னாள் முதல்வர்கள் படங்களை எடுக்க வேண்டாம் என்றும் அதற்காக 13 கோடி ரூபாய் செலவு செய்ய முடியாத செய்வதை அனுமதிக்க முடியாது என்றும் முதல்வர் கூறியது தான் உண்மையான பக்குவம் என்றும் இப்படி ஒரு பக்குவத்துடன் முதல்வர் இருப்பதை பார்க்கும் போது பெருமையாக இருக்கிறது என்றும் கூறினார்.