சென்னை என்னுடைய நண்பன்: விஜய்சேதுபதி வீடியோ வைரல்!
- IndiaGlitz, [Sunday,August 22 2021]
இன்று சென்னையின் 382ஆவது தினம் கொண்டாடப்பட்டு வரும் நிலையில் சென்னை மக்கள் சென்னையின் பெருமை குறித்து சமூக வலைதளங்களில் பதிவு செய்து வருகின்றனர். இந்த நிலையில் மக்கள் செல்வன் விஜய் சேதுபதி சென்னையில் பெருமை குறித்து வீடியோ ஒன்றை வெளியிட்டுள்ளார். அந்த வீடியோவில் அவர் கூறியிருப்பதாவது:
ஆகஸ்ட் 22ஆம் தேதி சென்னை தினத்தை நாம் கொண்டாடி வருகிறோம். சென்னையை பொருத்தவரை ஒரு மிகப்பெரிய பாசிட்டிவ் ஆன்மா இந்த ஊரில் உள்ளது. இந்த ஊரை நம்பி யார் வேண்டுமானாலும் வரலாம், சென்னை எல்லாருக்குமான நகரம் என்று நினைக்கிறேன். நீங்கள் கற்றுக் கொண்டு மேலே வரவேண்டும் என்று எண்ணுபவர்களுக்கு சென்னை ஒரு மிக நகரம்.
நீங்கள் வாழ்க்கையில் என்னவாக விரும்புகிறீர்களோ அதற்கு சென்னை நமக்குத் துணையாக இருக்கும். சென்னையே ஒரு மிகச் சிறந்த நண்பன் தான். இந்த ஊரில் நாம் பார்த்த நண்பர்கள் எல்லாம் தாண்டி சென்னை ஒரு மிகச் சிறந்த நண்பன். அந்த நண்பன் உங்கள் தோளில் கை போட்டுக்கொண்டு உங்களுக்கு துணையாக இருக்க்கும். எப்பொழுது வேண்டுமானாலும் எத்தனை மணிக்கு வேண்டுமானாலும் உங்களுக்கு என்ன தேவையோ அது சென்னையில் கிடைக்கும். எல்லாருக்காகவும் எப்போதும் தயாராக இருக்கும் நகரம்தான் சென்னை.
உலகத்தில் எங்கு சென்றாலும் சென்னைக்கு எப்போது வருவோம் என்ற எண்ணம்தான் அனைவர் மனதிலும் ஏற்படும். சென்னை வந்தவுடன் ஒரு மனத்திருப்தி, நிம்மதி இருக்கும். நான் சென்னைக்கு ரொம்ப நன்றி கடன் பட்டு இருக்கின்றேன். இவ்வாறு விஜய்சேதுபதி அந்த வீடியோவில் கூறியுள்ளார்.
The first beautiful Mordern city of #Madras.
— ???????????? ??.?????????????? (@Bulletvikki) August 22, 2021
It's 382 Birthday of the city.
The oldest city of modern #India#MadrasDay #Chennai #Madras382 pic.twitter.com/SPSJYkEe1K