விஜய்சேதுபதியின் அடுத்த படத்திற்கு சம்பளம் ரூ.55 கோடியா?
- IndiaGlitz, [Wednesday,February 03 2021]
மக்கள் செல்வன் விஜய் சேதுபதி நாயகனாக மட்டுமன்றி வில்லன் மற்றும் சிறப்பு தோற்றங்களில் நடித்து வருகிறார் என்பது தெரிந்ததே. இந்த நிலையில் சமீபத்தில் அவர் ஒரு இந்தி வெப்தொடர் ஒன்றில் நடிக்க ஒப்பந்தம் ஆனார் என்பதும் இந்த தொடரில் விஜய்சேதுபதியுடன் சாஹித் கபூர் நடிக்க இருப்பதாகவும் செய்திகள் வெளியானது
இந்த நிலையில் இந்தத் தொடரில் நடிக்கும் விஜய் சேதுபதியின் சம்பளம் நாயகனாக நடிக்கும் ஷாகித் கபூரின் சம்பளத்தைவிட அதிகம் என்ற தகவல் வெளிவந்துள்ளது. இந்தத் தொடரின் முதல் பாகத்தில் நடிக்கும் சாஹித் கபூருக்கு சம்பளம் ரூபாய் 40 கோடி என்றும் விஜய்சேதுபதிக்கு 55 கோடி என்றும் வெளிவந்துள்ள தகவல் பெரும் ஆச்சரியத்தை அளித்துள்ளது
தமிழ் திரையுலகில் நாயகனாக நடித்து வரும் விஜய் சேதுபதிக்கு சம்பளம் ரூபாய் 10 முதல் 15 கோடி இருக்கும் நிலையில் பாலிவுட் திரையுலகின் வெப்தொடர்களில் நடிக்க அவருக்கு 50 கோடிக்கும் மேல் சம்பளம் என்ற தகவல் பெரும் ஆச்சரியத்தை அளித்துள்ளது. இந்த தொடரில் ராஷிகண்ணா நாயகியாக நடித்து வருகிறார் என்பதும் இந்த தொடரை ராஜ் மற்றும் டீகே இயக்கி வருகின்றனர் என்பது குறிப்பிடத்தக்கது. இந்த தொடரை அமேசான் பிரைம் ஓடிடி நிறுவனம் தயாரித்து வருகிறது