தமிழ்த்தாய் வாழ்த்துக்கு எழுந்து நிற்காத விஜயேந்திரர் குறித்து விஜய்சேதுபதி
- IndiaGlitz, [Saturday,January 27 2018]
சமீபத்தில் நடந்த நூல் வெளியீட்டு விழா ஒன்றில் தமிழ்த்தாய் வாழ்த்து இசைக்கும்போது எழுந்து நிற்காமல் தியானத்தில் இருந்த விஜயேந்திரர், தேசியகீதம் ஒலிக்கும்போது மட்டும் எழுந்து நின்று மரியாதை செலுத்தியது பெரும் சர்ச்சையாகி வருகிறது.
விஜயேந்திரரின் இந்த செயலுக்கு பாஜகவினர் தவிர அதிமுக உள்பட மற்ற அனைத்து கட்சியினர்களும் விஜயேந்திரருக்கு கண்டனம் தெரிவித்து வருகின்றனர். மேலும் இதுகுறித்து கமல்ஹாசன் உள்பட பல திரையுலக பிரபலங்களும் தங்களது கருத்துக்களை தெரிவித்து வந்தது குறித்து ஏற்கனவே பார்த்தோம்
இந்த நிலையில் திருவெறும்பூரில் நடைபெற்ற திருச்சி படைக்கலன் தொழிற்சாலை பொன்விழா ஆண்டு விழாவில் கலந்து கொண்ட நடிகர் விஜய்சேதுபதி இந்த பிரச்சனை குறித்து கூறியபோது, 'தமிழ்த்தாய் வாழ்த்து ஒலித்தபோது, எழுந்து நின்று மரியாதை செய்யாத விஜயேந்திரருக்கு நாகரிகம் தெரியவில்லை' என்று குறிப்பிட்டார்.