సైరాలో విజయ్ సేతుప‌తి పాత్ర ఏంటంటే?
- IndiaGlitz, [Thursday,December 13 2018]
మెగాస్టార్ చిరంజీవి క‌థానాయ‌కుడిగా టైటిల్ పాత్రలో న‌టిస్తున్న ప్రెస్టీజియ‌స్ చిత్రం 'సైరా న‌ర‌సింహారెడ్డి'. చిరంజీవి 151వ చిత్ర‌మిది. సురేంద‌ర్ రెడ్డి దర్శకత్వంలో.. రామ్చరణ్ నిర్మాత‌గా 200 కోట్ల రూపాయ‌ల బ‌డ్జెట్‌తో తెర‌కెక్కుతోన్న ఈ చిత్రం ద‌క్షిణాది భాష‌ల‌తో పాటు హిందీలో కూడా విడుద‌ల‌వుతుంది.
అమితాబ్ బ‌చ్చ‌న్, విజయ్ సేతుప‌తి, కిచ్చా సుదీప్, జ‌గ‌ప‌తిబాబు, న‌య‌న‌తార వంటి భారీ తారాగ‌ణం ఈ చిత్రంలో న‌టిస్తున్నారు. అమితాబ్ బ‌చ్చ‌న్ ఉయ్యాల‌వాడ న‌ర‌సింహా రెడ్డి గురువు గోసాయి వెంక‌న్న, న‌ర‌సింహారెడ్డి భార్య సిద్ధ‌మ్మ పాత్రలో న‌య‌న‌తార న‌టిస్తున్నారు. కిచ్చా సుదీప్ అవుకురాజు పాత్రలో న‌టిస్తున్నారు.
ఇప్పుడు విజయ్ సేతుప‌తి పాత్ర‌కు సంబంధించిన వివ‌రాలు తెలిశాయి. వ‌ర్గాల స‌మాచారం ప్ర‌కారం విజయ్ సేతుప‌తి రాజా పాండి అనే ట్రైబ‌ల్ నాయకుడి పాత్రలో క‌నిపించ‌నున్నారు. బ్రిటీష్‌వారికి ఉయ్యాల‌వాడ ఎదురు తిరిగిన‌ప్పుడు ఆయ‌న‌కు అండ‌గా నిల‌బ‌డిన వారిలో రాజా పాండి ఒక‌రు.