முத்தையா முரளிதரனின் வாழ்க்கை வரலாற்றுப் படத்தில் நடிப்பதில் இருந்து பின்வாங்கப் போவதில்லை என நடிகர் விஜய் சேதுபதி திட்டவட்டமாக கூறியிருப்பதால் பெரும் பரபரப்பு ஏற்பட்டுள்ளது

தன்னுடைய வாழ்க்கை வரலாறு திரைப்படமான ‘800’ படத்தில் நடிப்பதால் விஜய்சேதுபதிக்கு சிக்கல் ஏற்படுவதை தான் விரும்பவில்லை என்றும், எனவே அவர் இந்த படத்தில் இருந்து விலகி கொள்ளலாம் என்றும் முத்தையா முரளிதரன் அறிக்கை ஒன்றை வெளியிட்டிருந்தார் என்பதை ஏற்கனவே பார்த்தோம்.

இந்த நிலையில் இதுகுறித்து விளக்கமளித்த விஜய்சேதுபதி, ‘800 படத்தில் இருந்து தான் பின்வாங்க போவதில்லை என்றும், 800 படம் வெளியாகும்போது கேள்வி கேட்பவர்களுக்கு பதில் கிடைக்கும் என்றும், நான் கேட்ட கதை என்னவென்று எனக்குத்தான் தெரியும்’ என்றும் கூறியுள்ளார்.

விஜய்சேதுபதியின் இந்த முடிவால் இதுவரை எதிர்ப்பு தெரிவித்து வந்த திரையுலகினர் மற்றும் அரசியல்வாதிகளின் அடுத்தகட்ட நடவடிக்கை என்னவாக இருக்கும் என்பதை பொறுத்திருந்து பார்ப்போம்