வசனமே இல்லாம டீசர் அவ்ளோ பேசுது: விஜய்சேதுபதியிடம் வாழ்த்து பெற்ற படக்குழு
- IndiaGlitz, [Wednesday,December 26 2018]
சமுத்திரக்கனி, சுனைனா இணைந்த நடித்த படம் 'சில்லு கருப்பட்டி'. இந்த படத்தின் படப்பிடிப்புகள் விறுவிறுப்பாக நடைபெற்று வரும் நிலையில் இந்த படத்தின் டீசர் சற்றுமுன் வெளியாகியுள்ளது.
இந்த டீசரை மக்கள் செல்வன் விஜய்சேதுபதி மற்றும் ஆர்யா இணைந்து வெளியிட்டுள்ளனர். வசனமே இல்லாம டீசர் அவ்ளோ பேசுது... காதல் அன்பு கருணை பொங்கி வழியுது. இந்த சில்லுகருப்பட்டியில் வாழ்த்துகள் இயக்குனர் ஹலிதா என்று விஜய்சேதுபதி தனது சமூக வலைத்தள பக்கத்தில் வாழ்த்து தெரிவித்துள்ளார்.
சமுத்திரக்கனி, சுனைனா, லீலா சாம்சன், சாரா அர்ஜூன், மணிகண்டன் உள்ளிட்ட பலர் நடித்துள்ள இந்த படத்திற்கு பிரதீப் குமார் இசையமைத்துள்ளார். இந்த படத்தை டிவன் புரடொக்சன்ஸ் நிறுவனம் தயாரித்துள்ளது.